(AP) – Ora cu e ehercito Ruso a cuminsa un invasion di escala completo dos ana atras, hombernan di Ucrania a drenta centronan di reclutacion den e pais pa drenta ehercito, cla pa muri den defensa di nan nacion.
Awe, cu Rusia den control di mas o menos un kwart di Ucrania y dos ehercito practicamente pega dilanti, e spirito di drenta ehercito aki a cuminsa muri; Varios homber di e pais ta evadiendo e reclutamento pa medio di sconde na cas of soborna nan libertad.
Na e frontera di e bataya, comandantenan ta bisa cu nan ehercito ta demasiado chikito y tin demasiado soldaat cansa y herida. Mientras e guera ta drenta su di 3 ana, e desafio mas urgente y politicamente sensitivo cu ta pisa riba Ucrania ta si e por genera mas soldaat pa lucha contra un ehercito cu tin hopi mas soldaat na su disposicion.
Rusia su poblacion ta 3 biaha mas grandi cu esun di Ucrania y President Vladimir Putin a demostra su disposicion pa obliga hombernan lucha na e frontera si no suficiente di nan bini dilanti nan mes.
E falta di soldaat no ta Ucrania su unico lucha, tambe e ta desespera pa ayudo militar for di Occidente, cual ta hopi mas dificil pa ricibi mientras e guera ta sigui. Sinembargo, mobilisa suficiente soldaat ta un problema cu solamente Ucrania por resolve. E Parlamento ta considerando un legislacion cu lo aumenta e potencial di recluta cu 400,000 parcialmente pa medio di baha e edad minimo for di 27 na 25. Sinembargo, e proposicion no tin hopi popularidad, obligando e oficialnan elegi lucha cu e preguntanan cu ta yega directo na e curason di e nacion; Nan por convence suficiente ciudadano pa sacrifica nan bida? Y si nan no por haci esaki, nan ta dispuesto pa acepta e alternativa?
