(AP) – For di dentro di e sushi y destruccion laga atras di Rusia su guera, Ucrania su escultor mas famoso a ser inspira pa crea un marca artistico scur pa recorda e dia cu su cas a ser impacta pa misilnan Ruso.
“El a pasa accidentalmente, el a pasa mientras un misil a drenta nos cas y mi bisinanan a reuni tur e restonan di e misil,” Mikhail Reva a bisa. “Y e idea a nace pa crea un metafora for di e restonan aki.”
Dos ana despues di e invasion, e residente di Odesa no a stop di transforma mas di 2 ton di resto di guera den arte cu ta expresa e sufrimento di su nacion. Varios biaha e esculturanan monumental ta sirbi como recordatorionan emocional di e rol vital di arte pa expresa loke no por ser expresa di otro manera. E trabao di hero, algun cu halanan delica, otronan religioso y ironico, por ser mira na e Embahada di Merca na Hotel de Talleyrand na Paris como parti di un iniciativa di Merca pa cuminsa interactua cu e agencia cultural basa na Paris di Nacionnan Uni, UNESCO, na cual el a bolbe uni ana pasa. Tambe esaki ta forma parti di un esfuerso pa enfatisa e bosnan importante den e guera cu a sufri un perdida cu no por imagina.
“Den cualkier guera y mas uno largo, bo por bira complaciente y arte tin e poder di ponebo stop y corda cu e ta trata e individuonan,” Jean Mnes, encarga cu operacionnan pa e mision di Merca na UNESCO. “E tin e habilidad di pone mira atrobe cu wowonan fresco.”
Motiva pa transforma e destruccionh incomprensibel den algo balioso, Reva a crea e escultura “The Flower of Death,” utilisando fragmentonan di rocket for di e atake cu a impacta su propio cas. “Como un artista, e tabata un desafio pa mi ora cu mi a haya sa di e atake pa compronde con mi por traduci mi dolor den un metodo artistico. E tabata e pregunta mas grandi,” el a comparti.
