7juni,SL, parkietenbos (1).jpg

Nos a funda e Parke Serenity Park na aña 2004cu e meta educacion y aprecio pa nos naturalesa no solamente pa muchanan pero tambe pa crea un comunidad sano cu encuentronan social y familiar.  Cu determinacion y perseverancia nos a demostra nos derecho di existencia.  Nos tardi para cu poco poco comunidad ta bira mas consciente cu nos tin cu proteha nos medio ambiente.

Cu cooperacion di Santa Rosa y nos Minister di Agricultura nos a mantene e parke bunita y floreciente cu awa di Parkietenbos.  Santa Rosa tabata entrega e awa aki di parkietenbos dos bes pa siman den nos dam y agricultornan igualmente por a gosa di e awa aki pa nan cultivo. Pero ta tristo pa informa cu nos tin ya 4 aña cu nos dam ta seco, sin entrega di awa of awasero y cu nos flora y fauna ta sufriendo. Nos agricultornan no por cultiva of mantene nan bestianan pasobra e awa di WEB ta impagabel.

Ta mas of menos cuater aña pasa nos a cuminsa haya problema cu e entregamento di awa pa nos Park. Cada bes cu nos reclama Santa Rosa ta informa nos cu ta pa motibo cu nan no tin acceso na e awa di e planta di Parkietenbos.

Dos aña pasa Minister Otmar Oduber a laga instala un Reverse Osmosis pomp cua costa basta placa. E pomp aki supuestamente lo a filtra e awa cu hasta es nan cu ta planta berdura lo por a haci uzo di dje.

Ta incomprendibel despues cu a gasta asina hopi placa pa duna e agricultornan incluyendo nos Parke un miho calidad di awa..  Awe ta net un aña y mei cu e planta ta for di servicio.

Nos no por culpa Santa Rosa pasobra e ta dependiente di e funcionamento di e planta na Parkietenbos pa por abastece e agricultornan cu awa necesario pa nan cultivo. Ta bisto cu tin falta di cooperacion entre e dos departamento. Ta varios biaha e director di DOW a anuncia den medionan di comunicacion cu nan ta den reparacion pero mientrastanto nos cultivo y nos trabou di mas cu 14 aña ta bay perdi y nos ta para mira con nos matanan ta seca bay y muri.  .

Si nos no haya awa pronto tur otro mata cu nos a planta poco poco ta disparce. Nos a planta un seccion di fruta specialmente pa e parhanan. Hasta e parhanan ta bay disminuyendo pasobra hasta nos cadushinan no tin dadel pa e parhanan y nan taki ta cay nan so pa motibo di secura. Nos no ta comprende ta con bin DOW tin e maneho di e planta di awa. Ta Santa Rosa ta na altura di e situacion di cada agricultor.

WEB ta un otro instancia cu continuamente ta des haci di awa.  Awa cu nos agricultornan por haci bon uzo di dje.  Cu un tiki mas comprension pa nos naturaleza, nan por tuma iniciativa y a cerca Santa Rosa pa bin na un acuerdo di entrega di e awa cu nan ta deshaci di dje cu na su turno por reparti e  entre e agricultornan.

Tin asina hopi posibilidad pa yuda nos como agricultornan, pero esey ta exigi cu nos gobierno tambe mester ta envolvi. Santa Rosa a crece hopi pero sin e apoyo y cooperacion di tur departamento den gobierno e no por ehecuta tur su servicionan na bienestar di nos agricultornan.

Pa Aruba bira berde nos mester di intermediacion y cooperacion di nos Gobierno.

LEAVE A REPLY

Please enter your comment!
Please enter your name here