Un tiroteo na Sabana Basora na altura di Calidad Supermarket a resulta cu 1 persona cu a ricibi un tiro. E persona ta stabiel. Polis ta investigando y ta pidi personanan cu lo sa algo pa yama nan tiplijn na 11141.
Awe dialuna atardi oa 4:07 central ta manda un patruya na altura di Calidad Supermarket pa un tiroteo. Na caminda yegando eynan ta topa cu un auto cu ta para e patruya y bisa cu e tin un persona cu a ricibi un tiro den e auto. Ta pidi asistencia di ambulance dibiaha.
Ambulance ta yega na e sitio y ta atende y bai cu ne na Imsan. Despues patruya ta ser manda pa un cas na Sabana Basora Noord. Eynan ta bin haya un arma di candela.
Recherche a presenta n’e cas pa cuminsa haci su investigacion kico exactamente por a pasa mirando cu tin diferente version. BFTO y fiscal tambe a yega na e adres menciona. No por bisa na unda e caso precisamente a pasa. No tin datos di e sospechoso(nan). E victima ta stabiel y di Imsan a transport’e pa hospital. E tiro tabata bao su repchi banda drechi. E caso awo ta bao investigacion. Ken cu sa algo polis ta pidi pa yama nan tiplijn na 11141.
