Destruccion di naturalesa ta continua….

ORANJESTAD – Den tur medio di comunicacion regularmente sa toca e tema di cuido di nos naturalesa y di medio ambiente. Den e discusionnan ta trata mas tanto di e perdida di habitat di animalnan, di contaminacion di medio ambiente, di peligro di contaminacion di lama pa bida marino, etc.

Tur esey ta na su luga pa trece dilanti den prensa. Sin embargo, tin mas asunto cu mester preocupa nos. Manera por observa riba e potret cu ta acompaña esaki, nos por mira e destruccion cometi pa manehadornan iresponsabel, cu a crea ‘nan mes subida’ pariba di e caminda di asfalt cu ta subi bay faro, apenas 30 metro pariba di e caminda di asfalt. Un destruccion di un baranca totalmente innecesario, cu tin siglonan asina y cu normalmente ta sufri solamente di e deterioro natural di e material (calichi) durante hopi aña. Nos ta kere cu ta obvio cu naturalesa no mester di e tipo di ‘yudansa’ aki pa caba cu e baranca aki.

Nos sa tambe cu esaki no ta e unico luga unda ta core subi sero cu quadracer y otro vehiculo, pa proba con ‘macho’ e driver ta, pero aparentemente nan no ta consciente di e daño cu nan ta causa. Nos ta consciente tambe cu polis no por ta tur caminda pareu, pero talbes ta bira tempo pa un vigilancia pa e partinan di naturalesa cu ta cay pafo di Parke Arikok? No ta tur area valioso di naturalesa ta cay den e parke y di e manera aki e destruccion ta sigui si no pone un paro na esaki. Ta spera cu e autoridadnan concerni tuma nota di esaki.

 

You May Also Like

3 tripulante La Rumbera

Tripulantenan La Rumbera mes a yega tera y haya ayudo di tribu Wayuu

  Update: Nan ta yega diamars atardi cu Avianca cu mester yega Aruba 5.18. ...

sexualassault_shutterstock_91193036_small.jpg

Casonan di abuso sexual den corte

Awe mainta Corte di Aruba (GEA) a atende cu dos caso di abuso sexual; un ...

5P3A6894.jpg

Buskeda grandi den area di Noord pa sospechoso cu a huy drenta mondi

Diadomingo marduga oficialnan di K9 unit durante nan patruya a tuma nota di un hyundai ...

IMG_0552.jpg

Parada di mucha a conclui cu 8 detencion, 3 menor di edad

Parada di mucha a sali na ora, esta 2or di atardi y e cabes ...

‘Ainda e Arubiano colonisa ta hari riba e idea di medicina natural’

Segun psicologo Dimitri Halley, nos a wordo indoctrina como ser humano asina profundo cu ...