ORANEJSTAD – Diasabra ultimo a tuma luga e di 8 TK5 na Surinam , aki ta caminda cu Aruba a participa cu su team di cadet di 4 atleta.
Joshua Klabér, Roderick Tromp y Danon Delamore di Brazil Taekwondo Stichting y Samuel Rosales di Noord Taekwondo Center a logra gana Frans Guyana cu un score di 73-18. Den final Aruba su team a enfrenta Surinam. Surinam su atletanan tabata dos cabes mas grandi cu nan y nan no a haci wega y a baha pisa ariba e team di Aruba y a duna nan un lastra den e prome rond. Un score di 50 pa 7 cu 10 strafpunt a duna cu Surinam despues di 3 pelea a sali victorioso cu nan prome luga.
Aruba a perde nan victoria despues di 7 aña campeon na Surinam den e TK5. Pabien na nos atletanan cu a purba di gana, pero e atletanan di Surinam cu dos cabes mas grandi cu nan a hunga un rol grandi y nan no por a yega na nan haltura.
