Doñonan di un compania di ‘Miami Equipment & Export Co’, a wordo aresta diaranson riba cargonan di transacionnan ilegal. Un cantidad di 100 miyon dollar a wordo transferi di companianan mayoriamente den Venezuela pa Merca y cuentanan bancario perteneciendo na oficialnan di gobierno Venezolano y mas.
Luis Diaz Jr, 74, anto su yiu homber Luis Javier Diaz, 49, ta wordo acusa di labamento di placa anto operando un negoshi di transmision di placa sin permiso. Ambos homber a wordo aresta na Miami segun vocero di Manhattan U.S. Attorney Preet Bharara. E caso aki a bin dilanti durante investigacionnan di e departamento di Husticia di Merca. E investigacionnan a concentra riba individuonan cerca di e gobierno Venezolano anto nan posicionnan sospechoso den varios caso di traficaccion di droga y soborno. Segun e acusacion, e compania di famia, desde 2010, a facilita miles di transaccionnan di fondo den Merca bao un asociacion grandi sin nomber, cu ta consisti di companianan di construccion na Venezuela.
Fuente: Reuters
