This handout image released by the US Department of Homeland Security's Office of Inspector General on September 11, 2026, shows small metal enclosures labeled as "holding cells," on January 21, 2026, at the South Florida Detention Facility, also known as "Alligator Alcatraz," in Ochopee, Florida. Detainees at the now-shuttered immigration facility in Florida known as "Alligator Alcatraz" were held at times in metal cages the size of phone booths, according to a new report. (Photo by Handout / US Department of Homeland Security Office of the Inspector General / AFP) / RESTRICTED TO EDITORIAL USE - MANDATORY CREDIT "AFP PHOTO / US Department of Homeland Security Office of the Inspector General" - HANDOUT - NO MARKETING NO ADVERTISING CAMPAIGNS - DISTRIBUTED AS A SERVICE TO CLIENTS

(AFP) – Detenidonan na e facilidad di inmigracion na Florida conoci como “Alligator Alcatraz,” cu awo ta cera, tabata deteni den haula di metal di tamaño di un cabina di telefon, segun un rapport nobo.

E rapport di Oficina di Inspector General (OIG) di Departamento di Seguridad Nacional (DHS) di Merca a haya cu e centro di detencion no tabata cumpli cu standard den un cantidad di area. E facilidad den Everglades di Florida opera pa Autoridad di Inmigracion y Aduana (ICE), cu a bira un simbolo di e impulso di deportacion masal di presidente Donald Trump, a keda clausura na juni memey di bataya legal y controversia tocante su costo halto.

Prome cu su clausura, “Alligator Alcatraz” a ricibi critica di abogado, famia di detenidonan y defensornan di derecho humano, cu a acusa gobierno di tene migrantenan indocumentado den condicionnan fuerte y no duna nan proceso debido significante.

E rapport di inspector general, publica durante weekend, a keda compila despues di un bishita di OIG na e centro, oficialmente conoci como Florida Soft-Sided Facility (FSSF) na januari.

E rapport a haya cu FSSF no ta cumpli cu standard den sentido di salud y seguridad ambiental, cuido medico, servicio di cuminda, higiena personal of recreacion. “FSSF no a duna detenidonan suficiente espacio pa biba, creando condicionnan preta pa detenidonan cu a pasa gran parti di nan tempo den nan unidad di vivienda, cu por daña salud fisico y mental di e detenidonan,” e rapport ta bisa.

Entre juli 2025 y januari 2026, 79 detenido tabata cera den haula chikito di metal consistiendo di aproximadamente 1,67 m2 di espacio, pa periodonan variando di algun minuut te casi dos ora, e rapport ta bisa. E haulanan a keda describi pa personal di e facilidad como “areanan di trankilidad pa detenidonan por desescala y tin tempo nan so,” segun e rapport.

“Uso di e haulanan di metal aki pa cualkier motibo ta sin precedente entre facilidadnan di detencion cu OIG a inspeccion y ta presenta riesgo significante pa salud y seguridad di e detenidonan,” e rapport ta bisa. “Uso di espacionan restrictivo asina ta altamente inconvencional y no ta alinea cu standard di trato humano.”

Entre e recomendacionnan haci den e rapport ta pone un fin na uso di e haulanan chikito di metal, mas acceso na shower pa detenidonan y mas tempo pa recreacion.

Trump, kende a priminti di deporta miyones di migrante indocumentado, a bishita “Alligator Alcatraz” despues di su apertura na juli 2025, gabando abiertamente di e condicionnan dificil y haciendo joke cu e predadornan reptil den e awanan cercano lo fungi como guardia pa descurasha intento di huy.

Potret: AFP PHOTO / US DEPARTMENT OF HOMELAND SECURITY OFFICE OF THE INSPECTOR GENERAL.