Deurwaarder a presenta na La Linda prome cu e cera pa semper

Ayera mainta, deurwaarder Roos a haci presencia na La Linda, ya cu den e delaster dianan cu e pacus historico aki ta cerando su portanan, tin hendenan cu kier cobra of recupera algo, aunke sea chikito. Sr. Roos a cualifica e ceramento di e negoshi aki di ‘dolor,’ mirando cu e ta un pacus tradicional di Aruba su pueblo.

Bon Dia Aruba a papia cu Aaron Hochman, kende ta yiu di e doño di La Linda, sr. Haime Hochman, kende a bisa cu nan ta atendiendo cu e trahadonan y cu nan ta tratando nan ‘lo mas miho cu nos por’. Sinembargo, e ta haya cu semper tin un appel daña cu ta afecta pa e otro trahadonan, cu a traha semper fiel pa nan. El a bisa cu La Linda no a bati bancarota of failliet. Ya cu failliet kiermen cu mester tin un ‘bewind voering’; y nan no tin’e, segun el a declara.

Loke nan ta haciendo for di diahuebs ultimo ta baha nan producto cu 50%, pa asina na clientenan cu tin miembresia por probecha di e oferta prome cu La Linda ta cera pa fin di aña. E oferta aki tabata pa tres dia y ta clausura awe.

E ta haya cu un factor cu a daña nan benta den caya y tambe pa nan negoshi tin di haber cu e falta di trafico, ora cu a cera caya grandi pa e tram bini. Nan a kibra cu un di nos tradicion Arubiano, y pueblo no ta gusta cana den solo.

Aaron, kende ta nieto di sr. Carlos y sra. Anna Hochman den feliz memoria, a relata cu e historia di La Linda ta data tempo ainda cu e hendenan na Aruba tabata core cu burico. Awor cu e negoshi legendario aki ta cerca di cera su porta, e ta haya cu e tram tabata un causa cu a afecta La Linda su benta.

E no kier bay den politica. Sinembargo, e ta haya cu gobierno no mester a hinca su mes den e actividad comercial di Oranjestad. “Nos tin un tradicion di move cu auto, y nan a bay contra tradicion Arubiano.” E tram no ta tradicion Arubiano, segun Aaron Hochman su opinion personal.

Ayera tabatin un rij largo di clientenan di La Linda cu kier a probecha e oferta di 50% riba tur producto. Te hasta tabatin mester di security guard pa tur cos bay trankil y ordena. Pero nan mester presenta nan carchi di miembro.

Sin nan carchi di miembro, nan no tabata laga hende drenta. E tabata un forma pa gradici nan clientenan cu a keda fiel cumprando na La Linda. Pues esun cu kier a bira miembro pa probecha e descuento aki, ta laat caba.

You May Also Like

KPA cu charlanan informativo na scolnan

John Larmonie di Departamento di Prevencion (KPA) ta splica Bon Dia Aruba cu no ...

WHO: 2016 tabata un aña turbulente

E organisacion mundial di salud, WHO, a saca un resumen di tur problemanan di ...

FHMD lo tin un encuentro riba abuso domestico cu diferente organisacion

Fundacion pa Hende Muhe den Dificultad (FHMD) ta conta Bon Dia cu pronto nan ...

Virus mayaro.jpg

Medidanan di prevencion contra virus “Mayaro”

“Mayaro” ta e nomber di otro virus transmiti pa e mesun sangura Aedes Aegypti ...

A3 23jul, NP, FADA (1).jpg

FADA: Dificil pa papia di circulacion di droga Devils Breath

Den media a sali recientemente informacion cu un persona den un club na Noord ...

9 lista cu candidatonan pa eleccion 2017 entrega

Ayera 10 partido politico a postula nan candidatonan p’e eleccion 2017. 9 lista a ...