Dia Mundial di conscientisacion riba Abuso di Anciano ta ser recorda cada aña dia15 de juni. E dia aki a ser reconoci oficialmente pa e Asamblea General di Nacionnan Uni den su resolucion 66/127, di december 2011, a peticion di e Red Internacional pa Prevencion di Maltrato di e Adulto Mayor (International Network for the Prevention of Elder Abuse (INPEA), cu a establece pa prome biaha e conmemoracion na juni 2006.

E dia aki ta representa e fecha unda mundo henter ta expresa su oposicion na abuso y sufrimento infligi na esnan di nos generacionnan di e adulto mayor. Adultonan mayor ta permanece invisibel y desprotegi, y bareranan structural neglisha. Marconan internacional di derechonan humano existente ta carece di un instrumento legal integral cu ta defini standardnan normativo pa proteccion di e adultonan mayor contra abandono, abuso y violencia. Abuso di anciano ta un problema universal y ta prevalece tur caminda y por sosode cualkier luga, pa cualkier persona , pero cu mas frecuencia den seno familiar, institucional y social.

Abuso di Anciano

E abuso di adultonan mayor (incluso esnan cu problemanan cognitivo) por wordo defini como “un acto unico of repetidamente, of pa falta di un accion adecua, (negligencia) cu ta tuma luga den cualkier relacion cu por spera confiansa y cu ta causa daño of angustia na un adulto mayor”. Esaki ta un problema social global cu ta afecta salud y e derechonan humano di miyones de adultonan mayor den mundo henter y un problema cu merece atencion di comunidad internacional, incluso Aruba.

Na hopi parti di mundo e abuso di anciano ta tuma luga cu poco reconocimento y como sifuera ta algo normal of un norma acepta. No ta hopi tempo cu e problema social grave aki tabata scondi pa bista di publico y considera principalmente un asunto priva. Incluso awendia abuso di anciano ta sigui ta un tabú, mayoria biaha subestima y ignora pa comunidadnan den mundo henter. Sin embargo, tin evidencia substancial cu ta indica cu e abuso di anciano ta un problema importante tanto social y di salud publico.

Abuso di anciano ta un problema cu ta existi tanto den paisnan den desaroyo como den esnan desaroya, pero por lo general no ta wordo denuncia na nivel mundial.

E tasa of estimacionan di prevalencia ta existi solamente den paisnan desaroya unda ta papia di un prevalencia di 1% te 10%. Aunke e maltrato/ abuso di anciano ta desconoci su importancia social y moral ta evidente tambe na Aruba. Como tal, mester exigi un reaccion global riba tur nivel y cu ta enfoca, riba proteccion di derechonan y seguridad di e adulto mayor ( incluso tur pensionado). Na Aruba tin casi nada di infrastructura cu ta promove inclusion y seguridad di e poblacion anciano. Ta existi diferente documento prometedor, pero den practica, Aruba ainda ta carece di politica efectivo pa preveni abuso y pobreza di anciano riba tur nivel. Esaki tambe ta encera derechonan di nos grandinan pa ser trata cu respet y dignidad. Ohala un dia Aruba por gosa di un ley di proteccion di nos grandinan.

Desde un perspectiva social y di salud, y den nomber di e proyectonan:“Comunidad Amigable y Sigur pa nos grandinan” y proyecto “BISA NO NA ABUSO DI ANCIANO (desde 2011) Fundacion Alzheimer Aruba (FAA), kier enfatisa cu maske e atencion primaria di salud di atencion medico como esun den sectornan y servicionan social ta bon ekipa pa identifica y trata e problema di maltrato di adultonan mayor; e abusonan aki ta continua siendo subdiagnostica y neglisha, specialmente a traves di e asina yama “generation gap”. E sensibilizacion y prevencion di maltrato/abuso di anciano ta rekeri participacion di henter comunidad. Abuso y maltrato di adultonan mayor solamente por wordo evita cu exito, si nos desaroya un cultura global (tambe comunitario) cu ta fomenta solidaridad intergeneracional.

Decada di Nacionnan Uni pa envehecimento saludable

E aña aki, e Dia Mundial di Conscientisacion riba Abuso di Anciano ta coincidi con dos evento importante. E prome ta e inicio di e Decada di Nacionnan Uni pa Envehecimento Saludable. Esaki ta marca e comienso di diesun aña di colaboracion y sosteni pa diferente partido interesa pa mehora e bida di personanan adulto mayor, nan famia y nan comunidadnan. E di dos ta 21 aña di e Segundo Asamblea Mundial riba Envehecimento y e di cuatro revision y evaluacion di e implementacion di e Plan di Accion Internacional di Madrid riba Envehecimento (MIPAA). Un plan di accion cu Fundacion Alzheimer Aruba desde comienso semper a sostene y apoya.

MIPAA ta representa e prome biaha cu gobiernonan a acorda y vincula cuestionnan di envehecimento y acopla esakinan cu otro marconan pa e desaroyo social y economico y e derechonan humano.

E 159 estadonan miembro cu a firma e Plan di Accion di Madrid (MIPAA) a reafirma e compromiso pa pone tur esfuerso hunto pa proteha e derechonan humano y libertad fundamental, incluso e derecho di desaroyo. Tur esaki cu enfoke riba eliminacion di tur forma di maltrato di anciano, negligencia, abuso y violencia contra anciano. Ambos obhetivo ta encera accionnan di revision di e politica, traha ley nan y iniciativanan di sensibilisación, informacion, capacitacion y investigacion. Sinembargo, den ausencia di un standard internacional riba derechonan di adultonan mayor, e diferencianan y distancia entre politica y practica, y mobilisacion di recursonan humano y financiero necesario, manera e progreso desigual den implementacion di MIPAA. Un instrumento legal internacional pa e adultonan mayor sigur lo promove e implementacion y responsabilidad di e plan di Accion di Madrid.

Bo tabata sa?

•Alrededor di 1 di cada 6 persona mayor di 60 aña a experiencia un of otro forma di abuso den institutonan comunitario ultimo aña.

•E tasa di abuso di anciano ta hopi halto mes den institucionnan manera casnan di cuido di anciano, y centronan di cuido di largo duracion. Unda cu 2 di cada 3 miembro di e personal a admiti di a comete abuso di anciano e aña cu a pasa.

•E tasa di abuso di anciano a aumenta durante e pandemia di COVID-19.

•E abuso di anciano por provoca lesionnan fisico grave y consecuencianan psicológico (y morto) a largo plaso.

•Ta ser pronostica cu abuso di anciano lo aumenta, ya cu hopi pais ta experimentando un envehecemento rapido di e poblacion.

•E poblacion mundial di hende di 60 aña of mas lo bira dobel y crece, di 900 miyon na 2015 na alrededor di 2 mil miyon na 2050.

LEAVE A REPLY

Please enter your comment!
Please enter your name here