Dia mundial di ocean 2017 nos oceannan, nos futuro

Coordina y promovi pa e organisacion Mericano The Ocean Project desde 2002, Dia Mundial di Ocean ta un celebracion anual riba dia 8 di juni y alabes un yamada pa promove conservacion di bida marino durante henter e aña.

Nacionnan Uni a oficialmente reconoce Dia Mundial di Ocean ora e Asamblea General a pasa un resolucion na final di 2008. E celebracion unico aki di nos oceannan ta uni organisacionnan y principal personanan di acuario, museo, grupo hubenil, scol y universidad, empresanan y otro gremio, incluyendo (scuba) divers, surfers, marinero, comunidadnan religioso, artista, industrianan maritimo, di recreo y turismo, gobiernonan y mucho mas.

Cu e tema di e aña aki, “Nos Oceannan, Nos Futuro,” organisacionnan y personanan individual den mas di 100 pais rond mundo lo enfoca riba e prevencion di polucion marino causa pa plastico mediante eventonan, anuncionan special y mucho mas.

Dia Mundial di Ocean e aña aki ta haya un nificacion extra special comokiera cu “Nos Oceannan, Nos Futuro” ta alabes e tema di e Conferencia di Ocean di Nacionnan Uni tumando luga awor di 5 pa 9 juni 2017 na New York.

 Tocante e conferencia di ocean di Nacionnan Uni
Nos Oceannan, Nos Futuro; colaboracion pa implementa Obhetivo di Desaroyo Sostenibel 14.

 E Conferencia di Naciones Uni pa Sostene e Implementacion di Obhetivo di Desaroyo Sostenibel number 14: Conserva y utilisa sosteniblemente nos ocean, lama y recursonan marino pa desaroyo sostenibel ta ser organisa na e Oficina Principal di Nacionnan Uni na New York di 5 pa 9 juni 2017 pa sostene e implementacion di Obhetivo di Desaroyo Sostenibel 14.

E ta coincidi cu Dia Mundial di Ocean. E gobiernonan di Fiji y Suecia ta organisadonan y anfitrion pa e conferencia aki.
E Conferencia aki ta boga pa crea e cambio y empuhe pa yuda para e deterioro di e salud di nos oceannan pa persona, planeta y prosperidad. E lo sirbi pa crea un plataforma di compromiso di un y tur pa traha riba solucionnan practico.

 

 

You May Also Like

Sin sindicato inscribo lo cancela referendum na Alhambra Casino

  Ayera a culmina e prome 14 dia cu Ley di Referendum ta stipula ...

caida turismo.JPG

Caida di turista Venezolano specialmente “raspa cupo” tabatin su impacto

Despues di un aumento constante tur luna riba cantidad di bishitantenan cu ta bin ...

Sushedad formando peliger pa naturalesa

Redaccion di Bon Dia Aruba a tuma nota cu tin varios sitio cu ta ...

tres homber drenta cas na Salinja Serca (2).jpg

Habitante na grito den oranan di marduga, nan lo a drenta su cas pa horta

Diabierna marduga den careda di 3’or varios patruya a sali direccion di Saliña Serca, ...

Xander Bogaerts ta bira deportista nobo cu lo promove Aruba su turismo

ORANJESTAD – Xander Bogaerts a bira e figura deportivo nobo cu lo promove turismo ...

Accion trahado casino Fta (1).jpg

Pa FTA gobierno mester ta mas decisivo pa trahadonan lo ta bek na trabou pronto

Trahadonan di Aura Casino representa pa sindicato FTA a dicidi lanta tempran y bay ...