Cuerpo Policial ta informa pa e parada di mucha di Oranjestad diadomingo 5 februari 2023, publico por pone stoel y banki diasabra 4 februari 2023 despues di 12or di merdia.
Cuerpo Policial a tuma nota cu na varios caminda riba e ruta tin stoel, banki, cabuya etc poni caba. Esnan cu a pone esakinan pasa kitanan mas pronto posibel. Polis lo cuminsa controla y lo kita esakinan.
Tuma nota:
Por pone solamente stoel y banki. Esakinan mester kitanan di biaha despues di e parada y mester laga e lugar limpi tambe.
NO ta permiti pa pone bloki, staca, cabuya, etc. y lo kita eseynan mesora si controla y haya esakinan.
Cuerpo Policial Aruba t’ey pa e orden publico como tambe seguridad di cada un persona.
Ban laga nos muchanan gosa di nan parada . Percura pa suficiente likido manera awa, fruta, sunblock y nan earplugs.
Ban cuida nos muchanan y celebra carnaval concientemente. Ta atento cu durante temporada di carnaval Faya bo Haya ta na vigor!
