Directiva di PDVSA Merca tin desconfiansa pa los mas placa; 260 miyon dollar a sali pa refineria di Aruba, pero 80 miyon so a yega

ORANJESTAD – Un delegacion di Aruba a biaha na Miami pa hiba combersacion cu PDVSA. Den e reunion aki, a keda revela un fraude miyonario di 180 miyon dollar uzando nos refineria pa logra esaki.

E prome mandatario, Evelyn Wever-Croes a cualifica e combersacion aki como ‘un bon combersacion.’ Pero den dje a bira cla cu PDVSA (nota di redaccion: por ta e mandatario kiermen PDV Holding), bou e directiva nobo asigna pa e presidente interino, Juan Guaidó, tin un desconfiansa.

Loke a bin pa dilanti den e reunion aki ta algo cu nos mandatario no a tene cuenta cune. E grupo nobo encarga cu PDVSA awor tin un desconfiansa grandi den e proyecto di Aruba. Segun nan calculonan, for di e cuenta bancario di PDVSA Merca, alrededor di 260 miyon dollar a wordo inverti den e refineria na Aruba. Sinembargo, awor cu nan ta evalua e proyecto aki, practicamente 80 miyon so a wordo inverti den e refineria na San Nicolas.

“Na caminda, como 180 miyon a disparce,” e mandatario a bisa. Di banda di Refineria di Aruba (RdA) ta insisti cu tin 80 miyon inverti den e proyecto aki y no 260 miyon manera a wordo bisa.

Segun premier Wever-Croes e situacion aki a crea desconfiansa di e funcionarionan nobo encarga cu PDVSA na Merca. Pero e desconfiansa mas grandi ta si nan ta lanta e 15 miyon dollar kico por yega Aruba.

E desconfiansa mas grandi ta cu e hendenan di e regimen di Maduro, cu tabata encarga cu PDVSA, tabata responsabel di e placa. Pero nan pensamento ta cu Aruba sea a facilita pa e fraude di e placa aki a sosode, of ‘tin ex mandatarionan cu tambe ta involucra den esaki,’ el a bisa. E prome mandatario di nos pais a declara cu esaki ta un sorpresa sumamente desagradabel. Pero nan ta trahando pa reestablece e confiansa bek. Gobierno di Aruba ta dunando su cooperacion pa e investigacion cu nan kier bin cune pa descubri unda e 180 miyon cu a somenta a bay.

“Nos no por haci mucho akinan na Aruba sinceramente. Pasobra tabatin un cuenta bancario cu otro cuenta bancario. Entre e companianan e cosnan a pasa y ta algo cu nan tin cu resolve.” Segun e prome mandatario e ta spera di curason cu no tin niun ex mandatario di Aruba meti den esaki.

 

You May Also Like

Plan di rescate ta basta avansa pero mester delibera cu Caft

E plan di rescate financiero te ainda no ta conoci publicamente, pero gobierno ta ...

Stoof a rementa riba un persona den cushina na cas

Diahuebs atardi na Sint Catherinestraat na San Nicolas un stoof den cushina na cas ...

Accion St. Aloysius School: ‘Acumulacion di problema di varios gobierno’

Ayera mainta e docentenan di St. Aloysius School a fada di e situacion deplorabel ...

16-11-16atracocuracabayzuid (1).JPG

Atraco na oficina di number Cura Cabay Zuid

Diaranson alrededor di 8:40 anochi rebendedor di weganan di number na Cura Cabay Zuid, ...

6 kilo Lion fish gara pa trece balansa na Aruba

E investigado Mericano Raven Walker cu a bin realisando un serie di estudio dedica ...

Sospechoso primario di asesinato na De Vuyst dilanti hues comisario

Den cuadro cu detencion recien di e sospechoso primario Jairo Chalgut den e caso ...