Minister Dangui Oduber: ‘Directiva Lotto pa Deporte tin un siman pa entrega retiro’

ORANJESTAD – Minister Dangui Oduber (MEP) a anuncia den conferencia di prensa di ayera cu manera ta conoci, fundacion Lotto pa Deporte y Gobierno ta den corte pa mas di un aña caba. Pa loke ta e hunta di supervision di fundacion Lotto pa Deporte, e ministro a bisa cu na luna di mei nan ta spera di por tin un sentencia faborabel pa por cuminsa retira e actual director cu ta sr. Di Stefano Wernet.

Ministro Oduber tambe a bisa cu nan a presenta varios prueba di e mal maneho di Lotto pa Deporte, cu den e caso aki, segun e mandatario “Sr Wernet ta culpabel so, sino cu e hunta di supervision ta mes hopi of mas culpabel cune,” pa motibo cu nan mester a controla henter e mal maneho financiero cu a hiba durante e añanan aki.

El a expresa cu tin cu pensa cu e miembronan di e hunta di supervision tabata usa nan mesun bufete di abogado pa brinda servicio na Lotto pa Deporte, esey pa un suma calculo na mas di 300.000 florin.

Di mesun manera, el a manifesta cu nan a haya un lista di e miembronan di e hunta supervision cu ta gana 6.000 pa 7.000 florin pa luna; ningun otro hunta di supervision ta haya e salario y beneficionan aki manera e hendenan aki, minister Oduber a comenta.

E mandatario a informa cu un di e miembronan di e directiva a entrega su retiro, y Gobierno a haya oportunidad di nombra un miembro pa asina yama un reunion cu e resto di e miembronan pa introduci e resto di e miembronan nobo di gobierno y a la vez ta pidi nan di un manera profesional nan retiro di inmediato, dunando un siman di tempo.

Si nan no ta entrega nan retiro dentro di e tempo aki, minister a anuncia cu e lo haci un denuncia na comunidad pa nan por mira ken nan ta.

 

You May Also Like

Despues di 40 aña: Stichting Geestelijke Gezondheidszorg

Recientemente Minister dr. Carlos Alex Schwengle conhuntamente cu AZV y notario a firma e ...

dowers alocacion fondo.jpg

Minister Dowers: “Ami no por dicidi riba fondo di pais Aruba”…

Fundacion Reclassering a yega di expresa nan preocupacion ya cu proyecto educacional pa rescata ...

Minister Lampe a pone independisacion di scol publico den ‘hold on’

E intencion cu minister di Enseñansa, Rudy Lampe (RED) tabatin pa bin cla den ...

IMG_4254.JPG

Dos homber arma a atraca trahado di Parke Arikok

Diabierna atardi na momento cu tur personal di Parke Arikok ta bandonando pia di ...

Reunion entre Elmar y STA no a bay bon pero lo sigui papia

Ayera banda di 10’or di mainta, gerencia di Elmar a reuni cu sindicato STA ...

Lo firma protocol di cooperacion contra organisacion criminal

E prome siman di luna di mei venidero, Aruba lo ta anfitrion di un ...