Durante un conferencia di prensa awe mainta minister di salubridad Dangui Oduber (MEP) a anuncia oficialmente e director di AZV nobo: Ruben Goedhoop.
Minister a splica durante e conferencia cu e director nobo ta carga aprobacion di hunta di comisario di AZV y cu tambe un compania tabata envolvi den e parti di entrevistanan pa tur e candidatonan.
E director nobo sr. Goedhoop lo tin un periodo di traspaso conhuntamente cu e director anterior Anco Ringeling pa asina e por cuminsa fungi su funcion completamente entrante augustus. Sr. Oduber a gradici alabes sr. Ringeling pa e añanan di servicio cu el a brinda na AZV.
