(AP) – Un diseñador lider ken su accesorionan a ser usa pa celebridadnan di Britney Spears na e elenco di “Sex and the City” a keda sentencia dialuna na 18 luna den prizon despues di declara su mes culpabel na acusacionnan di corte di trafica tasnan di crocodil for di su pais Colombia.
Nancy Gonzalez a ser aresta den ana 2022 na Cali, Colombia y despues a keda extradita na Merca pa su conspiracion di varios aña di recluta courier pa transporta su tasnan riba vuelonan comercial na tiendanan di luho y eventonan di moda na New York, tur den violacion di leynan di bida salbahe na Merca.
“Tur cos tabata motiva pa placa,” su asistent Mericano Thomas Watts-Fitzgerald, ken a compara Gonzalez su comportamento na traficacion di droga. “Si bo kier combati e conducta, bo kier e magnate di cocaina y no e persona trahando.”
Abogadonan di Gonzalez a pidi pa ta menos estricto pa e disenador, describiendo su persona su biahe como un mama divorcia cu dos yiu ken a disena faha na cas pa su amistadnan y a bira un icono di moda cu a surpasa marcanan manera Dior, Prada y Gucci.
“E tabata determina pa demostra su yiunan y mundo cu muhenan, incluyendo minoria manera su persona, por persigui nan soñonan exitosamente y bira financieramente independiente,” el a skirbi den un memo prome cu dialuna su audiencia. “Contra tur circunstancia, e muhe chikito pero fuerte aki por a crea e prome marca di moda di luho for di un pais tercer mundista.”
E abogadonan a bisa cu e diseñador di 71 aña ya caba a paga pa su crimennan. E compania Colombiano cu el a crea, unda e tabatin mas di 300 empleado mas tanto femenino a declara bancarota y a stop di opera despues di su aresto. Tambe nan a argumenta cu solamente 1 porciento di e mercancia cu e tabata importa a falta e autorisacion apropia y tabata solamente muestra pa New York Fashion Week y otro eventonan.
Gonzalez, dirigiendo su mes na corte prome cu e sentencia, a bisa cu e ta repenti di no a cumpli cu e leynan Mericano y su unico deseo ta pa brasa un biaha mas su mama di 103 aña. “For di e profundidad di mi curason, mi ta pidi despensa na Merca. Nunca tabata mi intencion ofende un pais na cual mi ta debe un gratitud inmenso,” el a bisa cu lagrima. “Bao presion, mi a tuma decisionnan incorecto.”
E fiscalnan a argumenta cu Gonzalez a adkiri rikesa y tabatin un bida di luho, cual tabata den contraste cu e couriernan cu tabata usa pa trafica su mercancia den Merca. E couriernan tabata ricibi e instruccion pa bisa cu e articulonan tabata regalo pa nan familiar si nan ser puntra pa agentenan di aduana. “Su mision a caba ta produci crimen,” Watts-Fitzgerald. “El a purba bolbe skirbi e ley pa su mes, ken ta haci tur cos su manera.”
Nan a pidi un sentencia hopi mas estricto di 30 pa 37 luna. Sinembargo Scola a bisa cu e lo tuma den consideracion e casi 14 luna cu el a pasa den condicionnan fuerte na un prizon Colombiano wardando extraditacion. Gonzalez, ken tabata den libertad condicional y deteni na cas di su yiu na Miami, mester entrega su mes dia 6 di juni pa cuminsa cumpli su sentencia.
