DNM a haya presentacion y training pa monitor Sargasssum den Caribe

Siman pasa, 45 experto di 14 pais y 9 organisacion a reuni na Aruba pa e di diescinco sesion intergubernamental di e sub comision oceanografico pa Caribe y teritorionan cercano (IOCARIBE), coordina pa Ministerio di Educacion, Ciencia y Desaroyo Sostenibel, UNESCO Aruba y Reino Hulandes. Departamento di Naturalesa y Medio Ambiente (DNM) a participa y ricibi un presentacion di e ‘trial model’ pa ‘Sargassum monitoring’ for di ‘Collecte Localization Satellites’ (CLS).

Durante e reunionnan a repasa e progreso principal di e periodo 2017 pa 2019.

E temanan principal tabata inclui e.o.: Strategia pa desaroyo di capacidad, alganan peligroso den e region di IOCARIBE, acidificacion di lama, crecemento di sargassum, decada di ciencia maritimo pa desaroyo sostenibel, Atlas Maritimo Caribense (CMA), IOCARIBE-GOOS, Ecosistemanan Grandi Maritimo den Caribe (CLME+), y Meta pa Desaroyo Sostenibel #14.

Durante e conferencia, e compania Frances CLS a bishita DNM y demostra nan sistema di monitor y pronostica e yerb’i lama sargassum y su movecion riba lama. Personal di DNM a haya un training di e sistema di monitor aki. DNM a ricibi e ‘user guide’ pa por uza e website, nabeg’e y wak con por monitor e yerb’i lama sargassum via imagen di satelite. Sra. Marion Sutton, e Project Applications & Projects Engineer a duna un splicacion amplio con pa uza e website y a pasa door di e diferente aspecto/features di e website cu por wak e yerb’i lama sargassum den Caribe.

Tambe riba e website por mira diferente ‘drift models’ di cada dia unda e yerb’i lama sargassum ta y e software ta duna un pronostico te cu 3 dia pa loke ta trata e trayectorio. Asina cada pais via e website aki por monitor e situacion di e yerb’i lama sargassum. Un peticion di Sutton ta pa haya mas tanto feedback cu ta posibel di e website pa haci’e mas ‘user friendly’ y cla p’e usuario, p’ asina mehora e model.

DNM a keda masha impresiona cu e presentacion ricibi, pero tambe gradici di por a participa na e conferencia aki cu Aruba tabatin e honor di ta anfitrion pa ICOCARIBE #15.

 

You May Also Like

Citgo Aruba: tur contratista mester cumpli cu ley

Despues di un control di autoridadnan diamars bou di personal di man camp di ...

Minister Bikker ta sigura: ‘Gobierno ta atende problema di asilo na e miho manera posibel’

ORANJESTAD – Den un conferencia di prensa, Minister Andin Bikker a papia tocante e ...

Virus mayaro y GKMB.JPG

Aruba ta menasa pa diferente virus di nos region

ORANJESTAD – Departamento di Combatimento di Sangura no a neglisha e menasa di otro virus ...

Svb trahado casino.JPG

Pa trahadonan di Aura Casino: Añanan di servicio tin gran balor pa nan condicion di trabou

Mediador di Gobierno, sr. Anselmo Pontilius  a declara na Bon Dia Aruba cu otro ...

APA kier pa mas desaroyado local inverti den Port City

Aruba Port Authority (APA) a cuminsa cu cierto preparacion pa ehecuta formalmente nan proyecto ...

Minister Xiomara Maduro: APA cu inversion miyonario den tugboat na bienestar di economia di Aruba

ORANJESTAD – Riba diasabra ultimo e tugboat Colorado a drenta waf di Oranjestad. Esaki ta ...