Dokter ta cura sordo cu transplante di horea

SUR AFRICA – Un team di dokter Sur Africano na e ciudad capital di Pretoria a ser elogia como pioneros den campo di medicina global, despues di a realisa exitosamente e prome transplante di un ‘middle ear’ di pashent.

E logro – cu a uza tecnologia di 3D print pa reconstrui weso kibra di horea – ta celebra como un solucion a largo plaso pa perdida di oido conductivo. Ademas, e cirugia por wordo haci riba persona di cualkier edad, incluyendo baby recien naci, curando pashent di un forma di sordo causa pa daño fisico of infeccion den horea (middle ear) como tambe defecto congenito y malesa metabolico.

E prome pashent tabata un homber di 35 aña, kende a perde su oido despues cu un accidente di auto a devasta su horea. Pa motibo di e trauma cu el a sufri, e operacion a dura como un ora y mey.

E idea tras di e team medico na e Hospital Academico Steve Biko na Universidad I pretoria, ta profesor Mashudu Tshifularo, kende tabata studiando perdida di oido conductivo durante e ultimo decada, pero den e ultimo dos aña a cuminsa studia e uzo di 3D print pa proposito di scan y recrea completamente e wesonan mas chikito, of ossicles, di e horea – esta e hammer, anvil y stirrup.

Celebrando mediante un comunicado di prensa, Departamento di Salud di Sur Africa a cita Tshifularo su splicacion: “Door di reemplasa unicamente e ossicles cu no ta traha bon, e procedura tin menos riesgo cu protesis conoci y nan procedura di cirugia. Nos lo uza titanium pa e procedura aki, cual ta biocompatibel. Nos ta uza un endoscopio pa haci e reemplaso, pues e transplante ta lihe, cu tiki cicatriz.”

Mientras el a expresa orguyo pa ta e prome den mundo pa revoluciona e maneho nobo pa sordo, Tshifulara ta keda riba e punto cu e tratamento eventualmente mester bira accesibel y pagabel pa pashentnan pober, manera esunnan na hospital publico di Sur Africa.

E ta spera cu e y su team na e departamento di ornitorhinolaringologia di e universidad lo ricibi e fondonan necesario di gobierno y patrocinado priva pa sigura cu e tratamento innovativo aki por desaroya.

 

You May Also Like

Inventor di Facebook ta gradua di universidad 12 aña despues di a dropout

Mark Zuckerberg e magnate bilionario y e celebro inventor tras di e medio social ...

_88931238_cruyff_recent_ap.jpg

Gran futbolista di Hulanda Johan Cruyff a fayece

Futbolista Hulandes conoci mundialmente, Johan Cruyff, a fayece di Cancer cu 68 aña di ...

8d92a76b4873a1be998b0e4222f49fb501c3448923dddff7e246965420d984b1_3742446.jpg

Taylor Swift persona famoso cu ta wordo mas paga na mundo

Ganashi di e strea di pop Taylor Swift ta pone mas dilanti cu chart-toppers ...

Personal di Aruba a celebra nan prome Dia di Arubahuis

DEN HAAG  – Diabierna ultimo personal di Arubahuis a disfruta di e prome Dia ...

Kim: “E loco di Trump ta bay paga pa su discurso”

Kim Jong Un, lider di Noord Korea, a bisa cu e remarkenan di presidente ...

Hoben ta mata mucha di 14 aña pa protege su ruman muhe

  Un hoben di 19 aña a wordo deteni den estado di Kentucky, Louisville ...