Minister Oduber tocante proceso ROP: ‘Hopi a contesta e yamada, muestra di un proceso transparente y habri’

ORANJESTAD – Durante e ultimo conferencia di prensa cu minister a ofrece, el a splica e dos termino di e proyecto Ruimtelijk Ontwikkelingsplan (ROP), e prome parti loke ta trata e proceso di zienswijze cu a caba di termina e siman pasa, y e otro e terenonan di loke ta trata ROP hunto cu aanlegvergunning.

Oduber a bisa cu durante e proceso di 10 luna di consulta, mas di 47 organisacion a ser scucha y den e proceso ey, varios reunion a ser realisa pa haya diferente reporte. Te na e punto cu na december di aña pasa, gobierno a anuncia cu conforme e ley cu ta dirigi e caso aki, a ser fiha un proceso na final di henter e consulta cu ta solicita na comunidad di Aruba, pa tin inspeccion durante un periodo di 30 dia, cu a inicia dia 15 di januari ultimo.

Oduber a comenta cu despues di e tempo ey, gobierno a conscientisa e comunidad, tambe a traves di medionan di prensa a ofrece pa comunidad informacion riba e topico. Dia 15 di februari manera cu e ta bisa, a cuminsa un proceso di trinta dia cu loke nan ta yama zienswijze, e posibilidad pa haci entrega di bezwaar, critica of pensamento cu tambe ta den proceso.

Oduber a bisa cu e proceso cu a termina siman pasa, na e momentonan aki lo inicia e proceso cu un total di 120 pa 125 zienswijze a ser entrega. El a expresa cu e cifra ta un record, ‘hopi persona a acudi pa e yamada aki, y esey ta un muestra di e proceso transparente y habri cu a tuma luga”, e proceso pa contesta pa cada un a cuminsa, segun Oduber a bisa.

Tambe Oduber a splica cu DIP, conforme ley, tin e trabou di conforma e comision, caminda cu lo bay analisa cada un di e zienswijze, pa percura cu den e ROP cu lo wordo publica tin un par di paragraf pa atende e zienswijze, cu den e proceso ey lo mira esunnan cu ainda por wordo inclui den e cambionan cu ta tuma luga, mirando e diferente motibo di pa cual a entrega zienswijze.

Di mesun manera, Oduber a expresa cu ainda ta den e proceso ey, cu pa e ROP final por inclui esey, y lo tin hasta un hoofdstuk den e ROP cu ta referi na esencia di zienswijze aki, pa despues por mira tambe cu nan a tuma esaki den consideracion.

Asina tambe el a comenta cu den e proceso aki, e ley ta describi e raad ruimtelijk ontwikkeling haya caba for di gobierno. Den e caso aki e concepto di ROP, cu ta e concepto cu a bay pa comunidad tambe, caminda tin e periodo di dos luna maximo pa por saca afo, pero e gobierno a haci un peticion pa por cumpli dentro di e ley, cu na momento cu e ROP ta vence na luna di mei, y asina nan lo por introduci e nobo cu nan mester tambe duna un aviso y publica finalmente e ROP nobo pa e proximo 10 aña.

Oduber a declara cu despues di 10 aña, e gobierno aki a tuma e decision conforme e ley pa respeta den cierto momento e derecho di cada ciudadano pa locual trata nan tereno, door di hancra esaki den e voorschriften cu tin cu e ROP.

Oduber a sigura cu gobierno a caba di forma e comision di grupo di trabou cu lo haya conseho di Hulanda pa loke ta trata e rondnan di consulta desde dos siman pasa. Minister a afirma cu ‘esaki ta un momento pa motibo cu tabatin hopi ruido den comunidad, bisando cu no a haya participacion den e proceso, cu ta un cu a duna tur e oportunidad necesario pa nos comunidad’. Sinembargo, door cu a awor lo introduci e Ruimtelijke Ontwikkelingsplan met Voorschriften (ROPV) di biaha pa tras di ROP aki ta otro momento cu e ciudadanonan y instancianan ta haya e posibilidad di wordo consulta y pone nan opinion dilanti cu mester keda cla na luna di juni of juli den e aña aki, pa despues lo entrega den parlamento y lo por introduci.

Di otro topico cu Oduber a duna di conoce cu recientemente nan tabatin diferente reunion, y for di eynan el a splica cu ainda tin hopi hende ta comprende robes e rolnan di e diferente leynan cu e gobierno tin y di e diferente liñanan cu tin, den e caso aki e mesun Raad voor de Ruimtelijke Ontwikkeling (RRO) ta prescribi e cuido di e medio ambiente, no pa para e desaroyo economico cu ta exigi den e ley existente cu nunca a ser utilisa for di e aanlegvergunning caminda cu terenonan cu ta mas grandi cu 700 metro cuadra y baho di cierto criterio ta exigi pa pidi na DIP un aanlegvergunning cu basicamente ta un permiso pa e persona por rosa.

 

You May Also Like

Min Oduber orario Br.jpg

No ta mira problema pa turismo riba cambio di orario pa clubnan nocturno

Minister di Turismo Otmar Oduber no ta mira niun problema riba e cambio di ...

‘Proyecto Smart Community Aruba no ta mucho sabi’

Director di organisacion ambiental Aruba Birdlife Conservation Greg Peterson a expresa su opinion riba ...

17juniNG Taxista.jpg

Taxista y chauffeurnan di autobus: No ta acepta e decreto ministerial imponi pa Minister Oduber

Representantenan di e bondnan di taxi y chauffeurnan di autobus a cera cabes. Den ...

Ley di oficialisacion di Papiamento tin restriccion ‘discriminatorio’

A pesar cu 14 aña pasa,  Papiamento a bira un idioma oficial na Aruba, ...

Ciudadanonan a entrega keho cerca OM riba dump ilegal na Tamarijn

Habitantenan di bario Seroe Lopes a entrega nan keho ayera na Ministerio Publico relaciona ...

Sindicato SPA: Awa a pasa hariña

Awe mainta pa 9or dilanti di warda di polis di playa, Sindicato di Polis ...