(CiberCuba)- E King di e Kingnan a haci un anuncio riba su red social unda cu e la pone #CubaPaLaCalle, esaki a bira viral riba Twitter mirando e protestanan cu tin na Pinar del Rio. E regetonero Don Omar a duna un mensahe bon cla na e Cubanonan na Cuba pa nan sali riba caya y protesta contra di e regimen, pa tur Cubano sali diahuebs awo pa e manifestacion masal na Pinar del Rio.
Mirando cu e King di e King a pone #CubaPaLaCalle a hala hopi atencion di e pueblo Cubano tambe unda cu nan a expresa riba e rednan social di Don Omar y gradicie cu e ta cu nan den e lucha aki y tambe a haci pregunta si Cuba bira liber si e lo bin canta den e proceso di lucha di libertad pa nan. Ta algun comentarionan cu e artista regetonero a ricibi na momento cu e la expresa cu un hashtag #CubaPaLaCalle.
Entre esnan cu a comenta den e rednan social di Don Omar ta e artista Yotuel Romero y na unda cu e ta duna di conoce cu e pueblo di Cuba ta yame danki y cu nan ta contento cu e artistanan internacional ta apoya e lucha pa libertad di Cuba. Sinembargo Don Omar tambe tabata entre e artistanan internacional aña pasa cu a mustra e apoyo na e pueblo Cubano cu tabata grita libertad rond di e isla. Don Omar ta un di e artistanan internacional cu a demostra di ta sostene e lucha di e Cubanonan pa nan libertad y pa nan tin un miho bida na Cuba.
