“Venezuela ta un desastre, Venezuela ta un desastre”, Trump a bisa, ora cu el a ser consulta riba decision di gobierno di Venezuela di sali for di OEA. Trump a declara tocante Venezuela den su reunion cu Presidente di Argentina, Mauricio Macri.
Trump a bisa cu e situacion na Venezuela ta hopi tristo y a bisa tambe cu tur hende mester wak kico ta pasa awor cu e decision ey. Trump no a duna mas detaye riba anuncio di Venezuela di retira for di OEA.
Presidente di Merca a critica e situacion di Venezuela hopi biaha, durante e tempo cu e tin sinta riba posicion di presidente. Trump a critica den conversacion cu presidente di Peru, Pedro Pablo Kuczynski y presidente di Colombia, Juan Manuel Santos, e situacion cu Venezuela ta bibando awor.
