ORANJESTAD – Un homber y un muher di Aruba, a keda deteni ora cu nan a yega e isla di Malta (un isla den laman mediteraneo, sur di Italia), acusa di traficacion di droga. Asina e website Times of Malta ta raporta. A haya capsula di droga den nan stoma. E dos personanan di respectivo 41 y 30 aña di edad, tin pasaporte hulandes, y a keda deteni na e aeropuerto diasabra anochi. Segun informacion di polis, tabatin informacion cu e dos personanan aki lo tabatin droga. Testnan medico conduci despues enberdad a confirma, cu nan tabatin 800 gram di posiblemente cocaina den capsula. Ambos a keda deteni y presenta dilanti un hues dialuna.
Source: Noticia Cla
