Dos avion di pasahero a dal contra otro na porta di Schiphol, esaki ta locual medionan di comunicacion Hulandes a bisa
E avionnan ta pertenece na KLM y Easy Jet, e impacto aparentemente a sosode durante di e pushamento patras di e avion, ora cu un avion ta wordo pusha patras pa un vehiculo chikito.
E pasaheronan a wordo pasa pa otro avionnan pa asina nan por continua nan biahe, y aeropuerto ta investigando e sucedido, segun NU.nl.
Esaki ta di dos biaha cu e ta sosode na gate di Schiphol e aña aki. E ultimo a sosode na februari ora cu dos avion di KLM a dal contra otro, un di cual tambe tabata den un proceso di wordo pusha patras. Un investigacion oficial ta andando.
Siman pasa gobierno a anuncia cu Schiphol a haya permiso pa realisa 40,000 vuelo pa aña, ademas di su maximo di 50,000, si cumpli cu cierto condicionnan.
