Dialuna ultimo Prome Minister di Sint Maarten, Leona Marlin-Romeo, na nomber di Reino Hulandes a firma un ‘Memorandum of Understanding’ (MoU) cu Caribbean Disaster Emergency Management Agency (CDEMA), na Barbados.

CDEMA ta e forum profesional di coordinacion organisa di CARICOM, pa combatimento di desaster den Region Caribe. Durante e ceremonia di firmamento, e Prome Minister di Sint Maarten a para keto na e contribucion di Militarnan Hulandes durante temporada di operacionnan di Emergencia di ultimo añanan. Citando: ‘Speaking on behalf of the Kingdom of the Netherlands, I am proud to refer to the great ability of the Dutch Royal Navy, based on Curaçao, who has shown their willingness to assist with vital relief, which it has delivered to various nations in the region. The Dutch Royal Navy has acted swiftly and accurately and with great determination in the cases of disaster, for example in Haiti in 2010 and 2015 and Dominica in 2015 and 2017. Not to mention the invaluable role the Dutch Royal Navy Command has played in the Caribbean during the emergency response and relief efforts on Sint Maarten post Hurricane Irma.’

‘Papiando na nomber di Reino Hulandes, mi ta orguyoso di referi na e gran habilidad di Marina Real Hulandes, basa na Corsou, cu a mustra nan boluntad pa asisti cu alivio vital, cu nan a duna na varios nacion den region. Marina Real Hulandes a actua cu liheresa y precision y cu gran determinacion den casonan di desaster, por ehempel na Haiti na 2010 y 2015, y Dominica na 2015 y 2017.

No mester keda sin menciona e rol asina valioso cu e Comando di Marina Real Hulandes a hunga den Caribe durante e reaccion di emergencia y esfuersonan di alivio na Sint Maarten despues di Horcan Irma.’

Cu firmamento di e MoU aki, e colaboracion entre Reino cu CDEMA ta keda formalisa y un eventual contribucion Hulandes na momento di crisis (di horcan) den Region Caribe – den practica hopi biaha duna pa Defensa/CZMCARIB – por keda conecta miho cu e structura regional di coordinacion di combatimento na momento di desaster, pa mayo eficiencia na momento desplega esaki.

Ademas di Reino Hulandes tambe Reino Uni, Canada, Estados Unidos di Merca y Francia ta conecta cu CDEMA, cu e meta pa asina por utilisa nan eventual contribucionnan den e cuadro di e gestion di crisis, di e manera mas eficaz y eficiente.

 

LEAVE A REPLY

Please enter your comment!
Please enter your name here