Awe diaranson anochi pa 21:40 central di polis ta haya un yamada cu un atraco a cab’i tuma luga na WEI PAU SUPERMARKET na caya danza.
Na yegada di patruya ta bin compronde di e señora cu un rato prome 2 hoben a drenta cu un arma di candela cada un y a pidi pa placa. Un di atracado a hinca man den e caha di placa y purba ranke bai cu ne. E otro atracado a ranca tas y un cadena di un señora cu tabata den e negoshi ne momento ey y a bay cu ne .E atracadonan a huy na pia direccion pabao . E descripcion di e atracadonan ta como lo siguiente.
E prome atracado tin un pechi preto, t-shirt blanco, jeans blauw. E otro tin mea preto riba su cabes, t-shirt berde y jeans blauw. Tur dos ta color di cuero bruin licht y ta papia bon papiamento. Nan a bay cu mas o menos afl 300,- di e caha di placa y den e tas tabata tin mas o menos $300. Atraco team tin e caso bao investigacion. BFTO y slachtofferhulp tambe a yega na e sitio di e sucedido. Cuerpo Policial ta pidi ken cu por a wak algo yama tiplijn 11141.
