Presidente Trump ta prohibi transaccion di moneda digital Venezolano

(NTN24) Presidente di Estadonan Uni, Donald Trump, a firma ayera un orden ehecutivo cu ta prohibi “tur transaccion cu cualkier moneda digital” emiti pa gobierno Venezolano, manera e  Petro.

Mas specificamente e orden ehecutivo ta prohibi, tur transaccion relaciona, tambe e provision di financiamento y otro transaccion pa un persona di Estadonan Uni, o dentro di Estadonan Uni, cu cualkier moneda digital cu por ser emiti pa, o na nomber di gobierno di Venezuela desde 9 di januari 2018.

Den e texto, Trump ta argumenta cu a tuma e decision “den luz di e reciente medidanan adopta pa e regimen di Maduro pa intenta aludi e sancionnan” cu e emision di un moneda digital, den un proceso cu “e Asamblea Nacional eligi democraticamente pa Venezuela a denuncia como ilegal.”

Cu e respaldo di e reservanan di crudo, e presidente Venezolano, Nicolas Maduro, a lansa e criptomoneda luna pasa, pa amplia e capital di e pais, hogando den crisis y pa evadi e sancionnan financiero imponi pa Merca.

E senador democrata Bob Menendez y e republicano Marco Rubio, e dos nan mas activo contra gobierno di Venezuela den congreso Mericano, a adverti Trump pa e consecuencianan di e moneda digital, poco despues cu Maduro a anuncia esaki.

Ambos senador, miembro di e comite di relacion exterior di senado, a manda un carta pa e secretario di Tesoro, Steven Mnuchin, pa conoce e mecanismonan cu cual gobierno Mericano ta conta pa combati e criptomoneda, loke a resulta den e prohibicion emiti.

E presidente Venezolano a anuncia e emision di 100 miyon Petro na inicio di aña, un unidad cu Maduro a presenta como e criptomoneda di Venezuela y cu ta igual na e balor di un bari di petroleo Venezolano riba mercado internacional; como tambe “e activacion y uzo di e casnan di cambio virtual conoci como ‘exchange’. Desde cu Trump a yega na mando, gobierno Mericano a sanciona como binti dirigente Chavista, entre nan e propio Maduro y su vice-presidente Tareck El Aissami. 

You May Also Like

‘Mester puntra pueblo Venezolano kico nan kier pa medio di eleccion pacifico y transparente’

  E situacion na Venezuela ta bayendo den un direccion basta preocupante.  No solamente ...

Banda Colombiano a cay na Chile cu 426 kilogram di marihuana

Fiscalia social anti-narcotico y crimen organisa di Chile a realisa un operacion contra un banda ...

Cuba: Preparando pa no bolbe na ‘periodo special’

En bista di e presion nobo di Estadonan Uni y e ineficiencia di su ...

Venezuela: Guaido a haya prohibicon di 15 aña pa tur puesto publico

Presidente encarga y presidente di Asamblea Nacional, Juan Guaido, a haya ayera un prohibicion pa ...

Mexico: Miles di persona a marcha contra aborto

Miles di persona a marcha na Ciudad de Mexico contra e aborto cu ta ...

Oposicion Venezolano lo continua cu protesta di caya pa presiona gobierno di Maduro

(InfoBae).- Despues di dos luna cu oposicion a dicidi di suspende protesta y cuminsa ...