Diahuebs merdia algo prome cu 1:30 alarma ta wordo bati pa un atraco arma na Rooi Bosal 17.
Segun informacion haya di Vocero di Polis Sr. Lito Laclè lo ta trata di dos homber cu ta papia Spaño, nan a drenta e cas y mara un persona. E duo di ladron aki ta bay cu placa y joyas. Atraco team mes ora a wordo avisa y tambe a acudi na e sitio. Varios patruya mes ora a cuminsa tira bista den area di Jucuri y tambe Santa Marta y vecindario. Pero e ladronnan a sa di disparce den dia cla! Ta urgi comunidad pa yama Polis mesora, den caso cu tin mas informacion. Tambe por haci uzo di e number 11141 pa laga informacion atras den forma anonimo.
