Dos mil hende evacua pa posibel avalancha

Diaranson dos mil persona a ser evacua pa precaucion na centro di Colombia pa motibo di fuerte yobida, Unidad pa gestion di riesgo di desaster di Colombia a informa.

Habitante di cinco bario di municipio Rivera, na departamento di Huila a wordo evacua di su cas, despues di un alerta cora, ora e riu Frio pasa over, den comunicado Unidad pa gestion di riesgo di desaster di Colombia a indica. Instituto di Hidrologia, Meteorologia y studio ambiental di Colombia (Ideam) a decreta alerta pa yobida fuerte durante ultimo ora cu a pasa, na region ey di Colombia”, a bisa.

Na municipio di Campo Alegre a sucede na ultimo oranan un bahada di puishi y santo den canal di rooi di riu frio. Pa tal motibo autoridad a raporta perdida di dos brug, caminda tabata circula auto, asina tambe ceramento di caminda y un cantidad no determina ainda di cas cu a keda destrui. Autoridad ta spera cu mas di 2 mil damnifica por bay su cas bek mas lihe cu ta posibel, y asina bolbe pa normalidad na municipio cu nan ta bibando. Nan a informa tambe di un persona cu a muri y otro dos cu a disparce na municipio Gacheta, departamento di Cundinamarca na centro di pais, despues di cu riu Amuladero a crece. E awa a destrui dos cas y a daña un centro di unificacion di damnifica, Unidad pa gestion di riesgo di desaster di Colombia a bisa .

You May Also Like

juan-gabriel_0.jpg

Latino America den luto: Cantante Juan Gabriel ta fayece di atake di curason

E mundo a caba di perde un tremendo cantante, Alberto Aguilera Valadez miho conoci ...

Alemania ta paga miyones pa cumpra Panama Papers

Alemania a paga miyones di Euro pa e asina yama Panama Papers cu ta ...

Cientificonan ta mehora metodo pa salba rhinoceronte

Apenas dos rhinoceronte blanco di nort ta existi den mundo: tur dos ta femenino ...

Mayoria Mericano no tin confiansa den team di Trump

Segun reportahe di CNN, seis luna despues cu Donald Trump a bira president di ...