Dos morto den concierto di rock na Argentina

Dos homber a muri y un muhe ta den unidad di cuido intensivo despues di un incidente cu a pasa diadomingo marduga, na momento cu e concierto a finalisa. E concierto a tuma lugar na un espacio habri, caminda a presenta e idolo di rock Argentino, Indio Solari. Mas di 250 mil persona a bay na e concierto na localidad di Olavarria.

Tur dos persona cu a muri a drenta hospital sin bida, tur dos tabatin 40 aña aproximadamente, German Maroni, secretario di salud di ciudad di Olavarria a bisa. Olavarria ta situa na 350 kilometer na sur oeste di capital di Argentina. Un Funcionario a splica cu “10 hende a drenta hospital, dos di nan cu un paro cardiaco y un hoben a keda den unidad di cuido intensivo despues di sufri un paro cardiaco tambe”.

Susana Alonso, fiscal cu tin bao su responsabilidad e caso cu a sucede na Olavarria, a confirma cu dos hende a fayece. Un di e personanan cu a fayece no a ser identifica ainda, pasobra no e tabatin ningun documento di identidad. “Hopi rumor tabata circula tocante mas hende morto pero mi por bisa cu sinceridad cu ta dos hende a fayece solamente,” e fiscal a menciona den rueda di prensa. Solicitud di calma E concierto a desaroya den un tereno habri, cu poco a poco a cuminsa yena di hende desde diasabra atardi. Hende tabata sperando pa e presentacion di e musico ey, pasobra su seguidornan ta considera e concierto aki como “e pogo mas grandi di mundo”, ora cu miles di persona tabata salta y canta tur su canticanan, manera un himno.

Durante e show, Solari a detene varios biaha e concierto pa pidi calma y trankilidad pa tur seguidornan, y el a pidi atencion pa algun hende cu a desmaya tambe y a solicita tur hende pa no sigui pusha, pasobra e tabata mira cu hende cu tabata dilanti di su presentacion tabata keda pega contra e escenario. Solari a logra finalisa e concierto, caminda el a toca 19 cantica y hopi di nan cantica basta famoso, conoci como hit.

Hende cu a bay e concierto a bisa cu e suceso di avalancha a tuma lugar ora cu tur hende tabata purba di sali for di e lugar, unda e concierto a tuma lugar. No tabatin suficiente porta di salida y hende tabata pusha un contra otro pa purba sali. Hende cu ta stima e rock a yena e ciudad di Olavarria. Ciudad di Olavarria a declara e concierto ey como un actividad di interes pa tur municipio. Na Olavarria a yega tres biaha mas e cantidad di hende cu ta biba eynan, su poblacion di 90 mil habitante a aumenta den un par di ora.

Despues di e suceso, autoridadnan a habri un number di telefon publico pa duna informacion tocante e incidente. Durante marduga tur red social a transforma den un medio special pa purba di haya hende cu a perde den e suceso, of pa duna informacion y purba di trankilisa famia y amigonan cu tabata hopi preocupa.

You May Also Like

Husticia Peruano ta ordena detencion di ex-presidente Kuczynski

Poder Hudicial Peruano a ordena ayera e aresto pa 10 dia di ex-presidente Pedro ...

Cuba: Entrega gratis di pildo contra HIV a cuminsa

Un medicamento cu ta yuda preveni HIV na persona cu no tin e virus ...

Ex-gobernador Mexicano cu tabata fugitivo deteni na Italia

Tomás de Jesús Yárrington Ruvalcaba, ex-gobernador di estado Norte di Tamaulipas- Mexico, cu tabata ...

Borges: Gobierno mester dicidi di paga debe externo o cumpra cuminda y remedi

Presidente di Asamblea Nacional, Julio Borges,  a recorda cu gobierno mester confronta e dilema di paga ...

Colombia: Alerta geel pa via di contaminacion di aire na capital

Bogota na alerta geel despues cu autoridadnan di e capital Colombiano a declara e ...

Costa Rica kier bira prome “economia berde” di America Latino

Gobierno di presidente Carlos Alvarado a lansa na inicio di e siman aki un ...