Dos profesor universitario di kimica a keda aresta bou cargo di traha methamphetamine, den un caso aparente di bida imitando arte.
Oficina di sheriff di Clark County a bisa cu profesornan di Henderson State University, Terry David Bateman y Bradley Allen Rowland a keda aresta diabierna bou cargo di manufactura methamphetamine y uza parafernalia di droga.
No tabata cla si nan a permanece cera ayera, y un oficial di prizon a bisa cu no por comparti e informacion aki.
Tina Hall, vocero pa e scol basa na Arkadelphia, a bisa cu Bateman y Rowland tabata bou suspension administrativo desde dia 11 di october ultimo. El a bisa cu tres dia prome, polis a investiga un keho di un holor kimico den e centro di ciencia di e campus. El a bisa cu e edificio a habri bek dia 29 di october despues cu un compania a filtra e aire.
E arestonan a conduci na comparacion cu e personahe central den e serie popular di television, ‘Breaking Bad’, den cual un maestro di kimica di scol secundario a cuminsa traha methamphetamine.
