(NLTimes) – Dos den cada 3 muhe tabata sexualmente acosa y abusa riba caya den e aña pasa.
Hombernan ta keda fluit ora nan pasa, nan ta yama nan, y den varios ocasion ta hasta core nan tras, segun figuranan di Statistics Netherlands (CBS) riba diaranson.
E participantenan di e encuesta tabata muhenan hoben, di 12 pa 25 aña di edad, kendenan hopi biaha ta ignora e trato aki.
E manera mas comun di acoso riba caya ta pa medio di fluit, e investigadornan a mira. Mita di e hende muhenan cu a participa den encuesta a ricibi fluitnan cu no tabata desea por lo menos un biaha y mas. Cu un frecuencia di mas o menos 40 porciento, ta acoso pa medio di yama of grita e hende muhe.
Segun e participantenan, e manera mas menasante y cu mas miedo ta causa den nan ta ora cu e acosador ta cuminsa cana of core nan tras. Mas o menos un kwart di e participantenan a experiencia esaki durante e ultimo aña.
Muhenan di entre 18 pa 21 aña di edad ta mas probabel di cay victima di e trato aki riba caya, cu 3 kwart experienciando e trato aki durante e ultimo aña. Entre muchanan hoben, di entre 14 pa 18 aña di edad, esaki ta 70 porciento.
Un den cada 3 hende homber ta experiencia e trato aki tambe. Esaki mas tanto ta concerni mucha hombernan hoben mas cu hombernan adulto.
E cifranan aki relaciona cu acoso riba caya ta referi na 12 luna prome cu a completa e encuesta. CBS a tene e encuesta aki entre februari te cu mita di april den aña 2021. Mas di 8,000 persona a participa.
