Dr. Dre ta back haciendo loke e ta haci miho despues di sali di hospital – trahando musica, y mustrando saludabel mientras e ta hacie.
Productor Focus, ganado di cinco premio Grammy, a post un potret den weekend di dje hunto cu Dre y un cantidad di otro creativonan compartiendo momentonan agradabel den loke ta parce di ta un studio musical. Dre ta sonriendo, y tur hende rond di dje ta parce di ta di bon humor tambe. Focus a skirbi: “Mi ruman grandi ta super bon!!! Nos ta trahando… ami a saca e potret pues mi t’ey!!!”
Esey ta parce di confirma e rumornan di salud di Dre, cu e ta recuperando bon y ta parce di no ta den peliger mas – esta peliger inmediato.
Ice-T a bisa esey su mes, subiendo Twitter diabierna ultimo pa laga su siguidonan sa cu el a papia riba video yamada cu Dre, y cu e homber ta back na cas, ‘safe’ y ‘mustra bon’.
Dr. Dre a sali di hospital diasabra, despues di casi un siman den ICU. Dokternan a ten’e eyden pa precaucion despues di su aneurismo cerebral, den caso cu e sufri otro kebrante di salud cu ta rekeri atencion medico inmediato.
Sinembargo, a reporta cu a bisa su famia cu Dre no tabata parce di ta den peliger mortal pa awo, y e potret aki ta confirma esey. Sinembargo, ainda e ta ricibiendo cuido di profesionalnan di salud mientras e ta continua recuperando na cas. Y dokternan ainda ta purbando di haya sa kico a causa e aneurismo.
