Dr. Dre ta bisa cu e lo ta ‘back na cas pronto’, despues cu e artista a ricibi tratamento medico na un hospital na Los Angeles pa un aneurismo celebral.
E rapper y productor a bisa riba un post den rednan social diamars anochi cu e ta gradici pa e ‘bon deseonan’. TMZ a reporta cu el a sufri un aneurismo celebral dialuna y ta recuperando na Centro Medico Cedars-Sinai.
“Mi ta tremendo y ricibiendo cuido excelente di mi team medico”, el a bisa. “Mi ta bay sali di hospital y back na cas pronto.”
Varios artista musical y atleta a duna tributo na Dre riba rednan social diamars. Ice Cube, Snoop Dogg y LeBron James a ofrece oracion pa recuperacion di Dre.
Dre, ken su nomber real ta Andre Young, a produci hitnan pa Tupac, Snoop Dogg, Eminem, y otronan. El a gana seis premio Grammy.
