Dr. Hendrikus van Gaalen: ‘Ta posibel pa persona cu ta uza cannabis medicinal pasa pa uzo recreativo’

ORANJESTAD – Durante un entrevista cu Bon Dia Aruba a realisa cu dr. Hendrikus van Gaalen, kende ta psychiater y Director Medico di Respaldo Aruba, a duna su opinion tocante e tema di legalisacion di Cannabis cu fin medicinal, cual gobierno a anuncia recientemente.

Dr. Van Gaalen a splica cu cannabis por wordo uza como medicina pa dolor y espasticidad di sclerosis multiple, pa dolornan neurogeno, nausea, vomito y falta di apetito di pashentnan cu cancer y AIDS, pa glaucoma no tratabel y enfermedad di Gilles de la Tourette. Esaki ta cientificamente menos comproba cu e por yuda den colitis ulceroso, malesa di Crohn, epilepsia, TDAH, jeuk, migraña y reuma.

Asina mes el a comenta di e beneficionan y dificultad di e legalisacion, cu mediante V.N. a indica cu e produccion y registracion di cannabis medicinal mester cay bou responsabilidad di un instancia gubernamental. Cu esaki ta sigura cu no lo tin contaminacion cu metalnan pisa, pesticida, bacteria y fungus. Cannabis medicinal mester wordo indica y prescribi pa un receta di dokter.

E posibilidad pa un persona cu ta uza cannabis medicinal ta pasa pa uzo recreativo, bou e condicionnan di prescripcion y control, no ta completamente ausente, pero nos no mester lubida cu e personanan aki ta realmente personanan malo kende ta haya un receta pa cannabis medicinal.

Cannabis por causa psicosis, atake di ansiedad, problema di memoria y concentracion, menos impulso pa caba cu tur tarea y adiccion den personanan vulnerabel specialmente hobennan menor di 18 aña di edad (inclusivo esunnan menor di 24 aña, pasobra te e edad ey e celebro ta completamente desaroya).

Van Gaalen, como dokter specialista den pashent cu ta sufri di depresion, a expresa cu no ta cientificamente demostra cu cannabis por yuda cu depresion di berdad. Aunke cannabis por mehora e estado emocional temporalmente, pero tambe por pasa lo contrario. E reaccion variabel aki ta e caso cu hopi efecto di cannabis. Algun persona ta drumi bon y otro no, y asina sucesivamente. E peliger di cannabis pa complicacion (cu excepcion di hobennan bou 24 aña di edad) ta significantemente menos cu di alcohol. Debi na e contenido mas halto di THC den cannabis compara cu pasado, cannabis a bira mas adictivo y peligroso cu antes.

Ademas, ta cientificamente comproba cu ehercicio fisico (cardio) hopi biaha ta yuda bon cu depresion leve y medio. Por supuesto, tambe ta hopi miho sinti alivia pa deporte, y no unicamente uzando cannabis, pa despues bo tin problema di memoria y concentracion e dia despues, y sinti menos fit.

 

You May Also Like

‘Aruba ta responsabel pa siguridad di avionnan Insel grounded’

E decision pa ground e avionnan despues incidentenan unda ta falta di siguridad, ta ...

‘Exceso di remedi ta daña nos riñon y higra’

Algun siman atras, nos a publica un storia di un mucha di dos aña ...

Grupo Barceló a inverti 12 miyon dollar den renobacion di  Allegro y Occidental

ORANJESTAD – Gerente general di Barceló hotel, Samuel Johnson a laga sa cu un ...

refineria

Reapertura di refineria: kico ta nifica pa trabou y nos economia

Manera Bon Dia ya a trece awe mainta e refineria na San Nicolas lo ...

Minister: Cambio di ley pa duna polis mas poder

Minister di Husticia Arthur Dowers a propone pa bin cu e ley di combati ...

Departamento di Aduana lo modernisa mas

Director di Departamento di Aduana Aruba (DAA),  Roderick Croes lo kier mira un cuerpo ...