(AP) — Drake no kier forma parti di e competencia pa un Grammy. E cuatro-biaha ganador di Grammy y su management a puntra e Academia di Grabacion pa retira su dos nominacion for di e papeleta di ronda final, segun dos persona familiar cu e situacion a bisa AP.
E fuentenan a bisa cu solicitud di Drake a keda honra pa e academia. E hendenan a papia cu AP bao condicion anonimo pasobra nan no tabata autorisa pa papia publicamente riba e asunto.
Riba dialuna, e Grammys ya a retira nominacionnan di Drake for di e lista di nominadonan riba nan website.
Drake tabata nomina pa miho album rap ‘Certified Lover Boy’ y ‘Way 2 Sexy’ cu participacion di Future y Young Thug, cu a gana un nominacion pa miho presentacion rap.
Drake a critica e Grammys den añanan recien. E rapper a mustra su malcontento di no a wordo nomina fuera di e categoria rap. E tambe a critica e importancia di e premionan Grammy durante su discurso di aceptacion despues cu ‘God’s Plan’ a gana miho cantica rap na 2019.
“Si tin hende cu tin trabao regular cu ta sali den yobida, sneeuw, gasta nan placa pa cumpra ticket pa bin bo show, bo no mester esaki. Mi ta priminti bo, bo a gana caba”, Drake a bisa teniendo su trofeo. Prome cu e rapper por a continua, a corta su discurso.
E Grammys ta bay tuma lugar na Los Angeles dia 31 di januari proximo.
