(AP) – Algun di e criticonan mas grandi di Grammy’s, cu a sinti cu nan a ser ignora na e show aki, awo ta bira e centro di atencion na Billboard Music Awards 2021.

The Weeknd a critica the Grammys publicamente aña pasa, pa motibo cu e no a haya ni un nominacion pa su show di aña 2021, aunke e tabatin e cancion mas grandi aña cu “Blinding Lights” y un album multi-platino y multi-hit titula “After Hours”. Pero na Billboard Awards, e ta e nominado mas grandi, cu 16 nominacion.

Cu 27 nominacion gana, Drake ta e artista mas decora den e historia di Billboard Awards, y e aña aki, lo ricibi 7 honor, y e titulo di artista di e decada.

Drake a yega di gana 4 Grammys y The Weeknd a yega di gana 3, aunke, nan tabata restringi cu nominacion nan solamente den e categoria di Rap y R&B, sin oportunidad di nominacion pa cantica of album di aña.

E artistanan Canades aki, lo bay contra otro pa e premio di “Miho Artista”, unda nan lo ta competiendo contra Taylor Swift, y artistanan difunto manera Juice WRLD y Pop Smoke. Juice WRLD tambe ta entre e artistanan cu Grammys a faya di honra, ya cu aunke Juice WRLD a domina cu su canticanan, tampoco a ricibi nominacion na Grammys. Pop Smoke a ricibi un nominacion na Grammys, mientras cu Swift a gana pa un di 3 biaha “Album di aña” cu su album “Evermore”.

Hunto cu Lil Baby, Swift, Drake, The Weeknd, Pop Smoke y Juice WRLD lo competi pa “Top Billboard 200 Album”. Pa “Top 100”, e nominacion nan e biaha aki si ta inclui The Weeknd y su hit “Blinding Lights”, hunto cu otro hitnan manera “Rockstar” di DaBaby y Roddy Rich, “I hope” di Gabby Barrett y Charlie Puth, y “Mood” di 24kGoldn y iann dior.

Billboard Awards su productor Dick Clark a prohibi Wallen di participa den e show e aña aki.

Toch, e show di e aña aki ta uno hopi spera pa e fanaticonan, ya cu lo tin presentacion di hopi artistanan grandi manera; The Weeknd, BTS, Bad Bunny, Doja Cat cu SZA, Twenty One Pilots, Dj Khaled, Karol G, Alicia Keys, Jonas Brothers, Pink, y hopi mas.

Tambe lo tin otro artistanan cu lo participa otorgando e premionan aki, entre otro, lo tin aparicion di Cynthia Erivo, Swizz Beatz, Tina Knowles-Lawson, Gabrielle Union, Henry Golding, Dixie D’amelio y hopi mas.

Despues di The Weeknd, DaBaby ta e di dos persona cu e cantidad di nominacion mas grandi, cu 11 nominacion. E difunto Pop Smoke tin 10 nominacion, lagando Gabby Barrett, ken tin 10 nominacion, como e artista femenino cu mas nominacion.

Otro artistanan cu tambe a logra hana nominacion e aña aki ta inclui Bad Bunny, BTS, Megan Thee Stallion, Doja Cat y Justin Bieber.