Departamento di Salud Publico (DVG) ta haci un yamada na tur instancia/dunado di cuido na Aruba pa registra.
Motibo su tras ta cu e Ley di Calidad den Cuido a drenta na vigor entrante di januari e aña aki, segun e departamento. “E ley aki ta crea obligacion legal nobo, entre otro e obligacion pa instancia/dunado di cuido medico wordo registra.” Cu e ley gobierno kier mehora e calidad di cuido y garantisa tambe cuido di calidad, nan ta bisa.
E ley ta defini tres grupo cu ta wordo considera di ta instancia di cuido:
- Persona natural of un persona huridico cu tin un instancia
- Persona natural of un persona huridico cu hunto ta forma un instancia
- Un dunado di cuido
Tur instancia of dunado di cuido lo haya un e-mail for di Departamento di Salud Publico (DVG) cu un formulario di inscripcion official. Esaki mester wordo yena y manda bek pa Departamento di Salud Publico cu demas documento via email: registratie@despa.gov.aw
Den e caso no a ricibi e e-mail, bo mester tuma contacto cu e departamento. E instancianan di cuido cu mester registra ta por ehempel: hospital, botica, instituto of instancia medico y paramedico, tur dokter di cas y specialista, laboratorio, oficina di dentista of cuido dental. Si ta un persona individual cu ta duna cuido como ‘zelfstandige’, tambe tin cu registra.
