Un biaha mas DVG ta publica un resumen tocante e desaroyo di COVID-19 aki na Aruba.
E resumen aki, cual ta ser publica diaramente, a trece dilanti cu tin 432 persona cu a recupera, y un total di 427 caso nobo registra di COVID-19, di cual 133 no ta residente.
E cifrananan aki ta representando un tasa di positividad bao di nos residentenan di 71 porciento.
E cantidad di casonan activo di coronavirus pa awe ta di 3115 y e cantidad di fayecidonan relaciona cu COVID-19 ta permanece 181.
E datonan ta ilustra un cantidad di casonan nobo di COVID-19 cu un averahe semanal di 546 caso pa dia y un averahe di e tasa di positividad semanal di 58% pa dia.
Actualmente riba nos Isla nos tin 13 persona interna debi na COVI-19 di cual tin 2 persona den unidad di cuido intesivo, tambe yama ICU y 11 persona interna riba piso general. Den exterior, specificamente Colombia, tin actualmente 3 persona interna na hospital, di cual 3 ta den ICU y ninguno (0) riba piso general.
