(France24) – Sur America e zona cu a haya mas golpi di Covid-19 ta e region cu ta gana e carera di vacunacion, 63,3% total di su poblacion ta completamente vacuna contra e virus, Sur America a bira un sorpresa como lider di vacunacion contra e virus cu ta golpia e planeta.
Europa ta na e di dos luga cu 60,7%, Africa solamente 8,8% di su habitantenan ta conta cu skema completo di inmunisacion.
Asina mes, proyecto Our World Data, cu ta recoge datonan oficial di autoridadnan di cada pais, ta señala cu e cifranan di contagio y mortonan pa e virus a disminui, den comparacion cu e numbernan cu e region Latino Americano a registra na mita di 2021. Na e momento ey, Latino America y Caribe tabata suma casi e mita di mortonan y casonan na henter mundo.
Actualmente, Europa ta e continente cu a haya mas golpi di pandemia, den memey di un aceleracion di contagio pa variante Omicron.
Aunke durante varios luna Sur America no a conta cu acceso grandi pa medicamento den comparacion cu e nacionnan mas desaroya na mundo, expertonan ta señala varios factor pa splica e plamamento lihe di e campañanan di vacunacion na paisnan sur Americano.
Cu e panorama aki, region sur Americano te ainda ta leu di supera e crisis sanitario.
Na prome luga, y aunke 63,3% actualmente ta e cifra conhunto di inmunisacion di e zona cu ta supera otro regionnan di e planeta, e cifra ta abao di esun cu cientificonan ta calcula -superior pa 80% despues di e surgimento di variantenan nobo- y cu lo ta necesario pa logra inmunidad colectivo of herd inmunnity.
