Obesidad y hamber ta e dos malesa mas grandi cu Latino America y Caribe ta padece, segun un informe publica dialuna pasa pa OCDE y FAO, den cual ta denuncia e situacion di alimentacion grave of miho di mal nutricion na henter e region, asina como e aumento di e personanan den situacion di insiguridad di alimentacion.

Ta trata de un ‘epidemia di obesidad’ berdadero, e informe di Organisacion pa Cooperacion y Desaroyo Economico (OCDE) a sigura, hunto cu Organisacion di Nacionnan Uni pa Alimentacion y Agricultura (FAO).

“Obesidad actualmente ta afecta alrededor di ¼ di e poblacion” na Latino America y Caribe, segun e informe titula como ‘Perspectiva Economico 2019-2028’ a señala.

E trabou aki ta resalta cu e persona obeso, ademas di esunnan cu ta considera cu ta padece di sobrepeso, ta como 60% di e Latinoamericanonan.

E fenomeno ‘por sigui avansa’, e expertonan di FAO y OCDE ta alerta, ‘especialmente pa e sector mas vulnerabel di e poblacion, muhenan y poblacion autoctono, e personanan di descendencia Africano y den algun caso e muchanan’.

A pesar di e crecemento aki, e region ta enfrenta desafionan persistente pa motibo cu hopi hogar no por paga e alimentonan cu nan mester ni por protege e recursonan natural.

E region ta situa, actualmente ‘na e di dos posicion na nivel mundial, despues di Nort America’ e informe a precisa.

E expertonan tambe a alerta riba e consumo fuerte di proteina di origen animal, den un region na unda e dieta tabata basa na cereal, aros, berdura y fruta.

 

 

LEAVE A REPLY

Please enter your comment!
Please enter your name here