Un cambio di dieta por resulta den cambionan hormonal cu ta afecta salud. Dt Deepika, consultant nutricionista y dietista na Motherhood Hospital na Chennai, India, a comparti tocante e importancia di nutricion y e rol di esaki den cambionan hormonal cerca hende muhe.

Cambionan hormonal tin impacto riba diferente parti di bida. Nan por inicia pa varios factornan, manera cuminda, awa, luga, temperatura, etc., funcionamento di e curpa ta depende riba con bon ta balansa nutricion. Tur loke nos come ta afecta e curpa. Maske desbalansa hormonal usualmente ta wordo trata cu medicamento y un rutina di ehercicio diario, e cantidad corecto di nutricion duna a traves di consumo di cuminda saludabel y balansa por tin un rol crucial den tene nos curpa den harmonia.

Hormoon por wordo yama simplemente e mensaheronan kimico di bo curpa. Casi tur funcion fisiologico cu ta tuma luga den e curpa, manera ciclo menstrual, metabolismo, reproduccion, emocion/humor, sistema immuun, etc. ta pa motibo di hormoon. Unda tin cambio den balans di hormoon, ta afecta e funcionamento di e curpa mes. Pues, con pa tine bao control?

Dieta saludabel pa balansa hormoon

E forma mas simpel y efectivo pa tene nos hormoonnan den balans ta manteniendo un dieta stabiel, saludabel y nutricioso. Maske e palabra ‘dieta’ ta zona cliché y cansa, no ta nada otro sino sigura cu bo ta comiendo lo corecto. Unabes practica un dieta saludabel, automaticamente ta sinti mas saludabel y cu mas energia. Contrario na creencianan popular, un dieta balansa nutricioso no ta nifica come cuminda laf, sin smaak, ni prohibi tur bo cuminda faborito. Cu e concepto corecto den mente, por disfruta di cuminda delicioso cu ta tremendo pa bo curpa como tambe agradabel pa consumi.

Fruta y berdura, prepara adecuadamente, por ta delicioso, ademas di un tremendo fuente di vitamina, mineral, antioxidante y nutriente. Nan ta rico den nutricion y ta mehora hormoonnan pa miho. Nan ta induci miho inmunidad, curasha menstruacion regular, rehidrata y tambe ta provee e curpa cu varios otro nutriente.
Cafeina y alcohol por causa un aumento leve den secrecion di Cortisol den curpa. Cortisol ta un hormoon cu ta parti di e respuesta di ‘flight or fight’ (huy of bringa) y tambe ta referi como e ‘hormoon di stress’. Pa persona bayendo den fase di menopause, ta importante pa reduci consumo di cafeina y alcohol pa tene nivelnan di cortisol abao.

Di otro banda, cierto cuminda ta prohibi si tin problema di thyroid. Algun berdura manera kool, broccoli, bloemkool, y soya ta ‘goitrogen’ si consumi curu of den exceso. Goitrogen ta substancianan cu ta interumpi e produccion di hormoon di thyroid, door di interferi cu absorscion di iodine den gland di thyroid.

Algun cuminda, manera carni cora, ta rico den vet satura, cu por aumenta prduccion di estrogen y por crea un desbalansa hormonal. Ta consehabel pa come versionnan mas saludabel di carni, manera pisca of webo cu ta rico den acido vet omega-3.

Similarmente, algun persona ta consumi exceso di soya – maske ta un bon fuente di proteina, consumo excesivo por alivia sintoma hormonal y e curpa ta bruha riba nivelnan di estrogen.

Nos ta bon na altura di insulina y con e hormoon aki ta afecta nos curpa. Insulin ta un hormoon asocia cercanamente cu diabetes. Si tin resistencia na insulina, e pacreas lo continua sacando insulina. Sinembargo, e celnan di musculo, vet y higra no ta responde adecuadamente door di induci mas secrecion den e pancreas. Esaki lo eleva nivel di sucu den sanger, resultando den diabetes.

Otro hormoon cu ta completamente opuesto na insulin ta Glucagon. Ta otro hormoon pancreatico pero e tin e efecto opuesto na insulina. Durante periodonan largo sin come, e pancreas ta crea Glucagon pa balansa e nivelnan di sucu den curpa. Pa tene e dos hormoonnan aki bao control, mester come un dieta balansa. Demasiado caloria lo resulta den aumento di peso, y mucho tiki lo resulta den debilidad y fatiga.

Durante menopause, e nivelnan di estrogen den curpa di un muhe ta cuminsa reduci. Durante un ciclo menstrual of embaraso, ta saca estrogen. No por obtene estrogen di ningun cuminda particular; sinembargo por consumi phytoestrogens pa actua como un estrogen zwak den curpa. E fluctuacionnan den nivel di esrogen ta e causa principal di iregularidad menstrual, cambio di humor, ‘hot flashes’ y sodamento anochi.

Come cuminda rico den fibra dietetico lo curasha un balans saludabel di hormoon. Tambe ta yuda mehora sistema digestivo. Na luga di forsa bo curpa digeri particula pisa y compleho, consumo di cuminda rico den fibra lo yuda bo curpa kibra e particulanan aki facilmente. Esaki ta mehora digestion, haciendo e curpa absorbe mas di loke bo ta come.

Un cambio simpel den dieta por drecha cantidad di cos. Desde resolve añanan di infertilidad of lucha cu endometriosis, PCOS, dolor extremo durante menstruacion, diabetes y hasta acne. Mayoria di biaha, e respuesta na e problema ta simpel: Mester balansa hormoonnan mediante un dieta saludabel.

Incluyendo un cantidad adecua di carbohidrato compleho manera cereal di grano henter (whole-grain) y un cantidad modera di proteina di balor biologico halto, cu un bon cantidad di vet saludabel y enfoke riba vitamina y mineral esencial, lo yuda logra un balans hormonal.

LEAVE A REPLY

Please enter your comment!
Please enter your name here