Diadomingo, 14 di juni 2026, pa mas o menos 5:40 di mainta central di polis ta wordo notifica di un accidente dilanti un percela na Sabana Liber y un brommer lo mester ta envolvi.
A despacha patruya y ambulance na e sitio di e sucedido. Na yegada di e prome patruya, a bin topa cu un hende homber cu su situacion ta mustra grave. Informacion compila na e sitio, probablemente e brommer lo a bay dal den acera.
Ambulance ta yega na e sitio y mesora ta duna e motociclista (victima) masculino asistencia medico necesario despues a stabilis’e y transport’e cu maximo urgencia pa hospital. E victima a keda interna den ICU.
Na e sitio di e sucedido a presenta specialista di trafico, polis tecnico (BFTO) pa asina haci e investigacion necesario. Tambe departamento di slachtofferhulp a ser poni na altura pa asina asisti e famia di e victima.
Awe diamars merdia central di polis ta wordo informa door di personal di hospital cu e situacion di e victima a bira critico. Pa 1:17 pm dokter ta constata morto di e victima masculino Johan Fernando Vasquez Lopez naci na Colombia dia 10 di maart 1993. (33 aña).
E caso ta bao di investigacion pa por deduci kico lo por a pasa exactamente. E ta bira e di 7 morto den trafico pa aña 2026. Cuerpo Policial Aruba y Bon Dia Aruba ta manda palabra di profundo condolencia na famia di e fayecido.
