Un comite di legisladonan Britanico ta dirigi na gobierno cu ta considera prohibi e gigante tecnologico Chines, Huawei di rednan telefonico di proximo generacion añanan prome a planea.
Den juli, e gobierno di prome minister Boris Johnson a impedi cu Huawei participa den construccion di red nobo 5G di e pais, den medio di preocupacionnan di siguridad reforsa door di tensionnan crea entre Beijing y e potencianan occidental. E operadonan wireless Britanico tin prohibi pa cumpra ekiponan di red Huawei, pero tabatin te cu 2027 pa kita e ekiponan di Huawei cual ya a wordo instala caba den e red nobo.
E comite di defensa di Parlamento a bisa den su informe publico riba diahuebs tocante e siguridad di 5G, cu si e plaso di 2027 tabata pa evita e blackout di señalnan, retraso y costo adicional, a adverti cu e gobierno por a tuma accion mas lihe.
“Si e presion ta continua pa un eliminacion mas lihe of si e menasanan di China y e posicion global ta cambia di manera asina significativo pa hustifik’e, e gobierno mester considera si un eliminacion pa 2025 ta factibel of economicamente viabel” e informe a bisa. “Claramente e restriccionnan aki lo retrasa e lansamento di 5G y lo perhudica economicamente e Reino Uni y e operadonan di red mobil.”
E informe tambe ta acusa Huawei di colusion cu e “aparato di Partido Comunista” di China, aunke no a drenta den detaye. E compania a rechasa e acusacion, cu a basa su mes den e testimonio di e expertonan tocante su propiedad, e subsidio estatal y e ley di inteligencia nacional di China cu ta obliga empresanan pa yuda spiona.
“E informe aki ta carece di credibilidad, ya cu ta basa riba opinionnan mas cu hechonan” , Huawei a bisa den un comunicado. E compania a señala cu Huawei a desampeña e papel clave den e construccion di generacionnan anterior di rednan mobil Britanico y lo mester continua ta parti di e lansamento di 5G. “Restringi Huawei lo pone Gran Britania den e caminda mas slow, lo profundisa e brecha digital y probablemente lo haci e facturanan subi.”
