E otro cara di fiestanan di Pasco y Aña Nobo

Fiestanan di Pasco ta un momento di celebracion y union, tambe por nifica un porta habri pa conflictonan familiar y personal, pa hopi persona temporada di Pasco y Aña Nobo ta un motibo di bringamento y discusion.

Por cuminsa por ehemplo, cu un comentario no apropia, un discusion sin sentido, den e fiestanan di Fin di Aña tur ta wordo exagera y bringamento familiar por costa hopi caro.

Tin hopi cu ta bisa cu esaki tambe ta yen di cariño y harimento cu amigonan y familiarnan, e reunionnan aki tin e potencial di ta un desaster. Debi cu e persona tin expectativa y pa hopi biaha tin stress y cansancio, emocionnan y tension ta aumenta ora famia ta reuni. E ambiente aki, incluyendo e comentario mas inocente por habri un herida bieu of provoca un bataya nobo of importante.

Y si reflexion no ta presenta den ningun banda, e situacion por sali for di man y yega na insulto, hasta bringamento acontecimentonan cu – pa caracteristicanan di e epoca – lo por recorda henter e bida, por lo tanto, e pregunta di ¿kico mi por haci of purba pa salba e anochi aki si ta busca calma e awanan di un momento special?

Ta normal cu den e gruponan familiar ta expresa conflictonan, desacuerdo y diferencianan, tin algun situacionnan cu ta faborece e manifestacion di esakinan, como algun crisis, perdida di un ser keri, interaccion cu famia politico, tambe por agrega den e fechanan aki e dianan special of di eventonan significativo.

Pa expertonan celebracionnan di fin di aña ta “representa culturalmente un momento di reunion familiar, y cu pa hopi biaha ta implica e union no di un famia so, sino tambe di otro miembronan. Tin biaha, esaki ta nifica cu den un ambiente so e personanan ta wordo reuni a pesar di e vinculo familiar cu nan tin, of algun di nan tampoco tin.

Nos ta den un momento di espacio di reunion cu por facilita e emergencia, no solamente di cariño y lasonan amoroso, sino tambe di conflictonan y diferencianan, expertonan ta sigura cu hopi di e diferencia di e temporada aki no a surgi awor, sino cu ya nan tin tempo caba, tin situacionnan entre adulto cu a no wordo resolvi como por ehemplo, conflictonan infantil.

Pandemia di Covid-19 a trece cune hopi desorientacion, temor y preocupacion, den reunionnan aki na unda cu muchanan ta presente, e mayornan tin e funcion di comporta nan mes como hende adulto, reconoce cu e temanan aki ta existi y purba di evita nan, ta un necesidad pa e grupo familiar cu e encuentro por transcuri di un miho manera.

Unidad familiar ta un reunion compleho y dinamico di diferente personanan y diferente mentalidadnan, no tin dos famia igual, tin hopi personalidad diferente cu ta forma parti di e gruponan aki na unda cu tin hopi variabel cu ta bay adapta y remodela cu tempo. Ta e diferencianan aki e responsabel di e conflictonan pero tambe ta esun cu por uni e personanan cu forsa y compasion.

“Ta normal cu den fechanan aki e personanan tin emocion, generalmente nan ta relacion’e cu nan infancia, na unda cu ta cay den cuenta cu e tempo a pasa y ta topa cu e ausencia di nan ser keri, cu nan no t’ey mas pa celebra.

Ta probabel cu Pasco den particular ta un momento den cual e hendenan ta tuma contacto cu nan emocion mas profundo, cu tin vinculo cu infancia, cu no ta bin dilanti den otro epoca di aña.

Dianan prome cu Pasco y Fin di Aña ta cuminsa e dilema y sentimentonan unda cu ta bin dilanti e pregunta, ¿cu ken nos lo pasa Pasco? ¿cu bo famia of mi famia? ¿na cua cas nos lo reuni? ¿con nos lo organisa e cuminda: ken ta bay prepara pa tur of nos tin cu hiba algo? Tin expectativanan cu tur cos lo sali bon.

Ademas, riba rednan social por haya potretnan perfecto yen di diversion y alegria, y mas leu cu esey pa hopi biaha esaki por ta un fantasia crea pa “esun di afo”, na unda por yega di sinti cu e bida cu tin ta hopi leu di esey y angustia ta presenta.

Ta bon pa enfatisa cu si bien e fiestanan aki ta un momento yen di stress, tambe ta un bon momento pa bolbe conecta cu nos famia, algun famianan ta pleita hopi ora nan ta bin hunto, pero por minimalisa e pleitamento yegando na causa di e problema y tumando e control mes, e ora ey ta mas consciente di e discusion y e patronchi di e argumentonan, pa tuma medidanan pa disminui e drama y e mal momento.