EA Sports a dicidi di retira Marco van Basten for di su wega FIFA 20, despues di un comentario relaciona cu Nazi cu el a haci riba television dia 24 di november ultimo.

“Nos tin un expectativa cu nos compromiso pa igualdad y diversidad ta ser manteni a traves di nos wega. Como cu esey ta asina, nos lo suspende productonan ICON di Marco van Basten di ta disponibel den Pacs, SBCs y FUT Draft te cu proximo aviso”, EA Sports a bisa den un declaracion.

Van Basten a haci su comentario durante e programa De Eretribune, mientras e tabata fungi como analista durante e partido entre Ajax y Heracles Almelo. Hans Kraay junior a entrevista e coach Aleman di Heracles, Frank Wormuth. Despues di e entrevista, Van Basten a burla di mal Aleman di Kraay, cu e comentario ‘Sieg Heil’. Audiencia por a scucha e comentario accidentalmente.

Mientras algun hungado di FIFA 20 a responde cu comprension pa e decision di EA Sports, hopi tabata ofendi y a acusa e compania di ta demasiado politicamente corecto. “Desde cuando hungadonan (y no djis hungadonan, sino un ICONO den futbol mundial) ta siendo elimina for di un wega djis pa bisa un JOKE malo y estupido?? Mi ta compronde cu su palabranan por ta ofensivo pero ban ta serio… el a disculpa inmediatamente pa e palabranan aki”, un hungado a skirbi riba un forum di FIFA 20.

Despues di su comentario, Fox Sports a suspende Van Basten pa un siman y a duna su salario pa e siman ey na un organisacion caritativo.

LEAVE A REPLY

Please enter your comment!
Please enter your name here