Awe diasabra 25 di maart di 8:30 pm pa 9:30 ora local ta bay celebra Earth Hour.
Aruba a registra caba como participante, esaki ta e di 13 aña consecutivo cu Aruba ta participa como pais den evento global special aki.
Nos ta invita e comunidad di Aruba pa sigui duna apoyo na Earth Hour tanto na cas of na trabao, den famia of cu amigonan y swich off luz no-esencial y desconectando tur aparato electronico cu no ta ser usa regularmente of constantemente; tambe por pasa tempo na beach, den cura di cas cu luz di bela, come den famia usando luz di bela, cana rond den un parke.
Hotelnan tambe lo uni y a informa cu nan lo participa door di switch off luznan no-esencial y cu nan lo haci actividadnan pa turista durante e ora aki.
Earth Hour ta invita cada persona cu ta biba den nos planeta pa tene e accion aki como parti di nos bida den presente y pa futuro. Ban spaar energia, spaar awa, ban siña recicla berdaderamente.
Laga nos mustra nos solidaridad pa nos mama Tera, e hogar cu nos tur ta comparti, y den e forma aki yuda construi un mundo caminda tur persona y naturalesa ta biba den harmonia
Earth Hour Aruba Community ta invita henter pueblo di Aruba pa participa awe diasabra 25 di maart di 8:30pm pa 9:30 ora local desconecta y pasa un ora haciendo algo positivo pa nos planeta. Bo ta uni na nos?
Earth Hour Aruba Community ta den Facebook y Instagram pa sigui nos y diasabra 25 di maart por wak tur actividadnan rond di nos planeta via Youtube en bibo: Youtube Eart Hour @EarthHour .
E no ta trata di cual pais abo ta, pero di cua mundo nos ta bin.
