(AP) — Lidernan di Union Europeo ayera a bagatelisa e riesgo di desaroya un crisis bancario for di turbulencia financiero global reciente, y afecta e economia mas duro cu e crisis di energia mara na e guera di Rusia na Ucrania.
Despues di un reunion na Brussels, e cabesantenan di gobiernonan di UE a bisa cu prestamistanan na Europa ta generalmente den bon salud y den posicion pa surpasa un combinacion di aumento di tasa di interes y reduccion den crecemento economico.
“E sistema bancario ta stabiel na Europa,” canciyer Aleman, Olaf Scholz a bisa reporteronan despues di e cumbre.
Prome minister Hulandes, Mark Rutte, a bisa: “Generalmente, mi ta kere nos ta den bon forma.”
E deliberacionnan di UE a bin despues cu reguladornan Mericano a shut down dos banco Mericano, incluyendo Silicon Valley Bank y un takeover orkestra pa Suisa di prestamista den problema, Credit Suisse, pa su rival UBS.
E accionnan di emergencia na ambos banda di e Atlantico a rebiba memoria di e meltdown financiero global na 2008 y e crisis di debe soberano di UE cu a resulta, cual casi a kibra e moneda Euro awo comparti pa 20 pais Europeo.
Den un muestra di miedo den mercado na Europa, accionnan di Deutsche Bank, e prestamista mas grandi di Alemania, a cay hasta 14% na Frankfurt ayera. E caida, cu a basha abao e accionnan di otro prestamista Europeo, a sigui un aumento skerpi den costo di derivativonan financiero conoci como “credit default swaps” cu ta sigura esnan cu tin bono si e banco default riba su debe.
Scholz a rechasa e idea di debilidadnan basico na Deutsche Bank, bisando cu el a bira “hopi rentable” despues di modernisa su negoshi.
Economia Europeo ta bin reduciendo velocidad rapidamente desde cu Rusia a invadi Ucrania 13 luna pasa, lagando UE den bispo di recesion. E guera a impulsa inflacion door di ocasiona reduccion den suministro di petroleo Ruso, anteriormente abundante, gas natural y carbon, y a afecta confiansa di consumidor y di negoshi.
