Eike Batista a entrega su mes na Rio Janeiro pa caso Odebrecht

Dialuna cu a pasa e magnate Eike Batista a wordo deteni na momento cu el a baha di un vuelo comercial, cu a bin for di New York. Batista tabata e homber mas rico di Brasil,  y riba su lomba tabata tin un orden di detencion di autoridadnan di Brasil pa su envolvimento den e caso di corupcion.

Batista tabata un fugitivo di husticia y el a declara diahuebs ultimo, cu tabata bin Brasil bek, pa tal motibo polis federal di Brasil tabata wardando pa captur’e na aeropuerto internacional di Rio di Janeiro.

E ta acusa di paga comision ilegal di 16,5 miyon dollar na ex gobernador di Rio di Janeiro Sergio Cabral, cu obhetivo di haya contractonan di gobierno regional. El a ser deteni inmediatamente cu el a baha e trapi di avion y asina el a wordo hiba pa comando di polis federal.

E abogado a informa cu e tabata na New York y cu e lo bin Brasil bek pa entrega su mes na husticia, pero autoridad di Brasil a dicidi pa pon’e riba lista cora di Interpol.

“Mi a bin bek pa duna un contesta na husticia, manera mi deber ta (…) mi ta entregando mi mes” Batista a bisa riba

Batista, homber di 60 aña ta sospechoso di labamento di miyon dollar den un skema di corupcion , den cual ex gobernador di Rio di Janeiro Sergio Cabral (2007-2014), cu a wordo deteni caba, tambe ta envolvi.

Investigacion ta afirma cu empresario, ta e homber mas rico di Brasil y cu ta wordo considera pa revista Forbes como di shete persona mas miyonario na mundo, a paga soborno na Cabral di 16,5 miyon dollar na 2010.

You May Also Like

Obama ta adverti riba mal uzo di social media

Presidente anterior di Merca Barack Obama a adverti contra e uzo irresponsabel di social ...

China ta ofreciendo Visa di 10 aña pa hendenan cu tin ‘hopi talento’

China actualmente ta otorgando Visa na esnan cu tin hopi talento cu lo kier ...

Di tres sospechoso detene pa tiroteo na fiesta casamento

BECKUM—Team di aresto a detene un di tres sospechoso relaciona cu e tiroteo na ...

refugionan na frontera Slovenia

Mas tension awor cu Slovenia no kier admiti mas refugio

E tension na Europa, specificamente na e paisnan di Balkan unda e refugionan di ...

download.jpg

Putin ta bisa cu Trump ta sabi anto lo compronde responsabilidadnan nobo

Donald Trump ta un homber sabi anto lo compronde e responsabilidadnan nobo segun presidente ...