Diadomingo cu a pasa Presidente di Republica di Venezuela, Nicolas Maduro Moros a solicita na vice presidente di Colombia,  Germán Vargas Lleras pa mustra arepentimento pa declaracion di odio, cu el a duna contra ciudadanonan di Venezuela.

Asina tambe presidente a bisa cu declaracion di Lleras ta un “agresion continuo di xenofobia (odio y rechaso  pa tur inmigrante y  stranhero) di banda di meneer di oligarkia di Colombia.” Mi no ta pidi solidaridad pa gobierno di mi mes, si algun hende kier dun’e, hopi bon, ta den consenshi di cada hende. Mi ta pidi pa stop tur campaña di odio y xenofobia contra Venezuela.

Presidente Maduro a critica tambe cu parlamento nacional no a bisa nada tocante e situacion ey, manera un rechaso pa tur declaracion di banda di vice – presidente Colombiano.

“Mi no por laga e declaracion di un banda, pasobra ta normal sinti rabia, y anto grupo di derecha a sali pa celebra declaracion aki di Vargas Lleras. ¿kico a bisa Asamblea Nacional di Venezuela tocante atake di Vargas Lleras contra pueblo di Venezuela?, nada pasobra nan ta djis na silencio bao nan ilegitimidad”, a bisa.

Yamada pa tur Colombiano

Presidente Maduro a haci un yamada pa tur Colombiano cu ta biba na Venezuela pa “rechasa e declaracion yen di odio y xenofobia di Germán Vargas Llera contra pueblo di Venezuela.”

“Semper mi ta bisa pa tur pueblo Colombiano cu ta biba na Venezuela, kico ta bay pasa si oligarkia di Colombia y imperio di Merca a logra su obhetivo di saca afo gobierno bolivariano y tuma  poder na Venezuela. Bo ta kere cu hende Colombiano por tin siguridad social? Mi tin moral pa haci un yamada na tur Colombiano cu ta biba na Venezuela, Maduro a bisa.

E situacion aki ta un “declaracion infame, inhusto y yen di odio pa tur pueblo di Venezuela. Y nos ta rechas’e.”