Eleccion Corsou sorpresando: niun partido a sali mas grandi. Derote grandi pa PAIS.

eleccion corsou 2.jpg

Eleccion Curacao 2016: Niun partido a sali mas grandi

WILLEMSTAD – Mas trempan cu a spera e resultadonan di e eleccion di Corsou a yega su final. Un poco despues di 12or di madurga Conseho Supremo Electoral a duna nan y por mira cu di e 13 partido participante niun a sali esun mas grandi.

 

E eleccion ta parce esun 4 aña pasa cu e diferencia si cu e gran ganado di e eleccion na 2012 a sali awor e gran perdedo, esta partido PAIS. Na 2012 nan logra di bay di zero pa 4 asiento pa 4 aña despues perde nan tur.

 

E resultado tabata un sopreso segun hopi comentarionan, pa motibo e pronosticonan no tabata cuadra. Segun e ultimo pronostico MAN tabata e partido mas grandi. Sinembargo esaki no ta tabata e caso contando e cantidad di asienta. Den cantidad di voto MAN si ta e ganado cu un diferencia di 146 voto (total di 12.822 voto). Di dos partido ta MFK. 

Awor no tin otro opcion atrobe pa forma un coalision aunke e diferencia entre e partidonan ta basta grandi. Mester por lo menos 3 partido pa forma un gobierno y probablemente lo bay ta 4, a base di e diferencianan entre e partidonan. Y cu tambe basta partido a indica adelante cu cua partido nan no kier bay goberna.

 

Esaki ta e resultadonan preeliminario:

 

69.970 a vota na 106 urna. E kiesdeler ta 3808. E resultado di asiento (21) ta:

 

MFK 3 asiento + 1 restzetel = 4 asiento

MAN 3 asiento + 1 restzetel = 4 asiento

PAR 3 asiento + 1 restzetel = 4 asiento

Kòrsou di nos tur 2 asiento + 1 restzetel = 3 asiento

Pueblo Soberano 1 asiento + 1 restzetel = 2 asiento

Partido Nashonal Di Pueblo 1 asiento + 1 restzetel + 2 asiento

Movimiento Progresivo 1 asiento

Un Korsou Husto 1 asiento

 

Pueblo di Curaçao por scoge entre un total di 13 partido pa duna nan voto. Un total di 120.456 persona tin derecho di voto e biaha aki di cual e grupo mas grandi ta e grupo di entre 35 pa 59 aña di edad cu un total di 53.461 persona. Remarcabel ta cu compara cu Aruba e buzon unda ta tira e stembiljet ta un caha di carton en cuanto na Aruba ta un  buzon di hero y cera na candal. Prome di cera nos edicion nos no a logra di haya un porcentahe di cuanto a vota. 4or ayera tardi mas o menos 42% di esunnan cu por a vota, a entrega nan voto.

You May Also Like

Mexico: Gobernador di Chihuahua boycotea pa actua contra corupcion

(Infobae) – E gobernador di e estado Mexicano di Chihuahua, Javier Corral, di e ...

Algun pais di Latino America ta sufri economicamente mas cu otro

Henter mundo ta pendiente di haya sa como ta afecta enorme cambio di direccion di ...

droga marina Hulandes

Marina Hulandes exitoso atrobe: 315 kilo cocaina gara

E barco di marina Hulandes staciona den Caribe, esta Zr.Ms. Friesland a gara un ...

Union Europeo a yega na acuerdo pa mas sancion contra Venezuela

E paisnan di Union Europeo (UE) a yega na un acuerdo pa adopta sancion ...

polis morto boneiro

Polis tira mata a shock Boneiro

E polis di 45 aña di edad Ferdinand Bakx a fayece na Boneiro haciendo su trabou.    ...

NATO evaluando peticion pa mas agente militar riba Afghanistan

E organisacion militar North Atlantic Treaty Organization (NATO) ta evaluando un peticion di e ...